ଭୁବନେଶ୍ଵର: ଭୁବନେଶ୍ଵର ସତସଙ୍ଗବିହାର ନିକଟରେ ସିରିଜ୍ ଦୁର୍ଘଟଣା। ଦୁଇଟି କାର୍କୁ ପଛରୁ ଧକ୍କା ଦେଇଛି ଘରୋଇ ବସ୍। ଏଥିରେ ଦୁଇ ଜଣ ଆହତ ହୋଇଛନ୍ତି। ଆହତଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନା ମୂତାବକ ଆଜି ସକାଳେ ସତସଙ୍ଗବିହାର ନିକଟରେ ଜଣେ ବାଇକ୍ ଚାଳକ , ଜଣେ ବୋଲେରୋ ଚାଳକଙ୍କ ସହ କଥା ହେଉଥିଲେ। ସେହି ସମୟରେ ଦ୍ରୁତ ଗତିରେ ଆସୁଥିବା ଏକ ଘରୋଇ ବସ୍ ଏକ କାରକୁ ପଛରୁ ଧକ୍କା ଦେଇଥିଲା। ଏବଂ ଉକ୍ତ କାରଟି ଯାଇ ଅନ୍ୟ ଏକ କାର ସହ ମାଡ ହୋଇଥିଲା। ଏଥିରେ ଦୁଇ ଜଣ ସାମାନ୍ୟ ଆହତ ହୋଇଛନ୍ତି। ଉଭୟଙ୍କୁ ଉଦ୍ଧାର କରାଯାଇ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ଦୁର୍ଘଟଣା ଯୋଗୁଁ କିଛି ସମୟ ଧରି ରସୁଲଗଡ଼ଠାରୁ ପଳାଶୁଣି ଯାଏଁ ଯାତାୟାତରେ ବାଧା ଉପୁଜିଥିଲା। ପରେ ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ସ୍ଥିତି ନିୟନ୍ତ୍ରଣ କରିଥିଲା।
Comments are closed.