ଠାକୁରମୁଣ୍ଡା : ସକାଳ ହେଲେ ଗ୍ରାମାଞ୍ଚଳର ମଦୁଆମାନେ ମଦରେ ମୁହଁ ଧୋଉଛନ୍ତି। ମଦ ପ୍ରସ୍ତୁତି ଓ ବିକ୍ରୀର ପେଣ୍ଠସ୍ଥଳୀ ପାଲଟିଥିଲା ଠାକୁରମୁଣ୍ଡା ବ୍ଲକର ଗହଣ୍ଡିଆ ଗାଁ କଣ୍ଟାପୋଶିରେ। ରବିବାର ଦିନ ସକାଳୁ ଠାକୁରମୁଣ୍ଡା ଥାନା ଅଧିକାରୀ ନିରୋଜ କୁମାର ସାମଲଙ୍କ ନେତୃତ୍ୱରେ ଏକ ଟିମ ଗହଣ୍ଡିଆ ଗ୍ରାମରେ ଚଢ଼ଉ କରିଥିଲା। ସେହି ଗ୍ରାମରେ ମଦ ପ୍ରସ୍ତୁତି ଚାଲିଥିଲା। ୧୫୦ ଲିଟର ଦେଶୀ ମହୁଲି ମଦ ତିଆରି ସରିଥିବା ବେଳେ ଆହୁରି ୨୫ କୁଇଣ୍ଟାଲ ପୋଚ ପ୍ରସ୍ତୁତ ହୋଇ ରହିଥିଲା। ପୁଲିସ ସଦଳବଳେ ଆସୁଥିବା ଦେଖି ପ୍ରସ୍ତୁତକାରୀ ଛତ୍ରଭଙ୍ଗ ଦେଇଥିଲେ। କେବଳ ଧରା ପଡିଥିଲା ବୟସ୍କା ସାଲଗେ ବେଶ୍ରା। ଘଟଣାସ୍ଥଳରୁ ପୁଲିସ ବିପୁଳ ପରିମାଣର ମଦ ପ୍ରସ୍ତୁତି ସାମଗ୍ରୀ ଜବତ କରିଥିଲା।
ଧାନ ବିଲରେ ତିଆରି ଚାଲିଥିଲା ମହୁଲି ମଦ। ଲକଡାଉନ ଉଠିବା ପରେ ଖୋଲିଯାଇଥିଲା ମଦର ଆସର। ୨୭ ତାରିଖରେ ଠାକୁରମୁଣ୍ଡା ପୁଲିସର ଏଭଳି କାର୍ଯ୍ୟାନୁଷ୍ଠାନକୁ ସାଧାରଣରେ ପ୍ରଶଂସା କରାଯାଇଛି। ଠାକୁରମୁଣ୍ଡା ଥାନା କେଶ ନଂ ୮୯/୨୦ରେ ମାମଲା ରୁଜ୍ଜୁ କରି ତଦନ୍ତ କରିବା ସହିତ ମହିଳା ସାଲଗେ କୁ କୋର୍ଟ ଚାଲାଣ କରାଯିବ ବୋଲି ଥାନାଧିକାରୀ ସୂଚନା ଦେଇଛନ୍ତି।
