ବୁଝି ବିଚାରି ବୟାନ ଦେବାକୁ ମନ୍ତ୍ରୀଙ୍କୁ ନିର୍ଦ୍ଦେଶ ଦେଲେ ମୋଦୀ
ଦ୍ୱିତୀୟ ପାଳିର ଶେଷ ମନ୍ତ୍ରୀ ପରିଷଦ ବୈଠକରେ ମନ୍ତ୍ରୀଙ୍କୁ ମୋଦୀଙ୍କ ତାଗିଦ୍
![](https://samajalive.in/wp-content/uploads/2024/03/GHwGyA6XIAAihMj-600x430.png)
ନୂଆଦିଲ୍ଲୀ: ଲୋକସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟରେ ୧୯୫ ଆସନରେ ପ୍ରାର୍ଥୀଙ୍କ ନାମ ଘୋଷଣା ପରେ ମୋଦୀ ସରକାରଙ୍କ ଦ୍ୱିତୀୟ ପାଳିର ଶେଷ ମନ୍ତ୍ରୀ ପରିଷଦ ବୈଠକ ଅନୁଷ୍ଠିତ ହୋଇଯାଇଛି । ଦିଲ୍ଲୀରେ ବସିଥିବା ଏହି ବୈଠକରେ ମନ୍ତ୍ରୀମାନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଗିଦ୍ କରିଛନ୍ତି । ‘ବିକଶିତ ଭାରତ ୨୦୪୭’ ଲକ୍ଷ୍ୟରେ କାର୍ଯ୍ୟ କରିବାକୁ ମନ୍ତ୍ରୀଙ୍କୁ ପରାମର୍ଶ ଦେଇଛନ୍ତି । ଏଥିସହ ଆସନ୍ତା ୫ବର୍ଷ ପାଇଁ ଆକ୍ସନ ପ୍ଲାନ ପ୍ରସ୍ତୁତ କରାଯାଇଛି । ମନ୍ତ୍ରୀମାନଙ୍କୁ ବୁଝି ବିଚାରି ବୟାନ ଦେବାକୁ ପ୍ରଧାନମନ୍ତ୍ରୀ କଡା ନିର୍ଦ୍ଦେଶ ଦେଇଛନ୍ତି । ମୋଦୀ କହିଛନ୍ତି ଯେ ‘ଯେତେବେଳେ ତୁମେ କିଛି କଥା କହୁଛ ପ୍ରଥମେ ଭାବ ତା ପରେ କୁହ । ସରକାରଙ୍କ ଯୋଜନା ସମ୍ପର୍କରେ ଲୋକଙ୍କୁ ଅବଗତ କରିବାକୁ କହିଛନ୍ତି । ଏହାସହିତ ଦୁର୍ନୀତି ଏବଂ ଜାଲିଆତିରୁ ସାବଧାନ ରହିବା ସହ ବିବାଦୀୟ ବିବୃତ୍ତିରୁ ଦୂରେଇ ରହିବାକୁ ନିଜ ମନ୍ତ୍ରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ମୋଦୀ । ବୈଠକରେ ଆସନ୍ତା ୧୦୦ଦିନ ପାଇଁ ଏଜେଣ୍ଡା ପ୍ରସ୍ତୁତ କରିଛନ୍ତି ମୋଦୀ ସରକାର ।
Comments are closed.