ଭାରତର ଯୁବପିଢ଼ି ବିଶ୍ୱ ପାଇଁ ଅମୁଲ୍ୟ ସମ୍ବଳ – ରାଷ୍ଟ୍ରପତି
![](https://samajalive.in/wp-content/uploads/2024/01/GEdNwbLawAIDhRo-750x430.jpeg)
ଡେସ୍କ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ୧୯ ଜଣ ଅସାଧାରଣ ପ୍ରତିଭାବାନ ଶିଶୁଙ୍କୁ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର ୨୦୨୪ରେ ସମ୍ମାନିତ କରିଛନ୍ତି। ପୁରସ୍କାର ବିଜେତାମାନଙ୍କ ମଧ୍ୟରେ ଦୁଇଟି ଆକାଂକ୍ଷୀ ଜିଲ୍ଲା ସମେତ ୧୮ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ୯ ଜଣ ବାଳକ ଏବଂ ୧୦ ଜଣ ବାଳିକା ଅଛନ୍ତି। ଏହି ଅବସରରେ ରାଷ୍ଟ୍ରପତି କହିଛନ୍ତି ଯେ ଏହି ଉତ୍ସବ ଅଭୂତପୂର୍ଣ୍ଣ କ୍ଷମତା ଓ ସମ୍ଭାବନା ସମ୍ପନ୍ନ ପିଲାମାନଙ୍କୁ ଉତ୍ସାହିତ କରିବାର ଏକ ସୁଯୋଗ ଅଟେ। ସେ କହିଛନ୍ତି ଯେ ଯୁବ ପିଢ଼ିଙ୍କୁ ସଠିକ୍ ଦିଗ ଦେଖାଇବା ଆମର କର୍ତ୍ତବ୍ୟ ଯାହା ଦ୍ୱାରା ସେମାନେ ସେମାନଙ୍କର ପ୍ରତିଭା ଏବଂ ଶକ୍ତିକୁ ସଠିକ୍ ଭାବରେ ଉପଯୋଗ କରିପାରିବେ।
ରାଷ୍ଟ୍ରପତି କହିଛନ୍ତି ଯେ ଆଜି ଭାରତରେ ବହୁ ସଂଖ୍ୟାରେ ଯୁବ ପିଢ଼ି ଆକାରରେ ଏକ ଅମୂଲ୍ୟ ମାନବ ସମ୍ବଳ ରହିଛି ଏବଂ ସେମାନେ କେବଳ ଭାରତ ନୁହେଁ ସମଗ୍ର ବିଶ୍ୱର ପ୍ରଗତିରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବେ। ରାଷ୍ଟ୍ରପତି କହିଛନ୍ତି ଯେ ଶାରୀରିକ କାର୍ଯ୍ୟକଳାପର ଅଭାବ ହେତୁ ଆଜି ଶିଶୁ ଏବଂ ଯୁବକମାନଙ୍କ ମଧ୍ୟରେ ରୋଗ ବୃଦ୍ଧି ପାଉଛି। ଅନ୍ତତ ପକ୍ଷେ ଗୋଟିଏ କ୍ରୀଡ଼ାରେ ଅଂଶଗ୍ରହଣ କରିବାକୁ ରାଷ୍ଟ୍ରପତି ମୁର୍ମୁ ଯୁବକମାନଙ୍କୁ ଅନୁରୋଧ କରିଛନ୍ତି।
ଆଜି ‘ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର’ ବିଜେତାମାନଙ୍କ ସହ ପ୍ରଧାନମନ୍ତ୍ରୀ ଶ୍ରୀ ମୋଦୀ କଥାବାର୍ତ୍ତା କରିବେ। ପୁରସ୍କାର ବିଜେତା ପିଲାମାନେ ଜାନୁଆରୀ ୨୬ରେ ଗଣତନ୍ତ୍ର ଦିବସ ପ୍ୟାରେଡ଼ରେ ଅଂଶଗ୍ରହଣ କରିବେ।
Comments are closed.