ନୂଆଦିଲ୍ଲୀ : ଯଦି ଆପଣ ଏକ ଭଲ ମାଇଲେଜ୍ ଦେଉଥିବା ବାଇକ୍ କିଣିବାକୁ ଚାହୁଁଛନ୍ତି ତେବେ ବଜାଜ ପ୍ଲାଣ୍ଟିନା ୧୧୦ର ୨୦୨୫ ମଡେଲ ଆପଣଙ୍କ ପାଇଁ ଉତ୍ତମ ବିକଳ୍ପ ହୋଇପାରେ । ଲଞ୍ଚ୍ ପୂର୍ବରୁ ଏହି ବାଇକ୍ ସାରା ଦେଶରେ ବଜାଜ ଶୋରୁମରେ ନଜର ଆସୁଛି । ଏଥିରେ କିଛି ସାମାନ୍ୟ ପରିବର୍ତ୍ତନ କରାଯାଇଛି ଯାହା ଗ୍ରାହକଙ୍କୁ ପସନ୍ଦ ଆସିବ ।
ନୂଆ ପ୍ଲାଣ୍ଟିନା ୧୧୦ରେ ଏକ ଦମଦାର କଲର କମ୍ବିନେସନ ଦେଖିବାକୁ ମିଳିବ । ବ୍ଲାକ୍ ବେସ୍ ସହିତ ହାଲୁକା ଗ୍ରୀନ୍ କଲର ହାଇଲାଇଟ୍ସ ଏବଂ ଗ୍ରାଫିକ୍ସ ଯାହା ବାଇକକୁ ସ୍ପୋର୍ଟିଂ ଏବଂ ଫ୍ରେଶ୍ ଲୁକ୍ ଦେଉଛି । ଆଲୟ ହ୍ବିଲ୍ସରେ ମଧ୍ୟ ଗ୍ରୀନ୍ ପିନଷ୍ଟ୍ରାଇପିଂ ଦେଖିବାକୁ ମିଳୁଛି ।
ହେଡଲାଇଟ୍ସର ଚାରିପଟେ କ୍ରୋମ୍ ସରାଉଣ୍ଟ ମିଳୁଛି ଯାହା ଏହାକୁ ପ୍ରିମିୟମ୍ ଲୁକ୍ ଦେଉଛି । ଏହା ସହିତ ୟୁଏସବି ଚାର୍ଜିଂ ପୋର୍ଟ ମଧ୍ୟ ମିଳୁଛି । ଏବେ ନୂଆ ଓବିଡି-ଟୁବି ନର୍ମ୍ସ ଅନୁସାରେ ଅପଡେଟ୍ ହୋଇଯାଇଛି । ଏଥିପାଇଁ ଫ୍ୟୁଲ ଇଞ୍ଜେକ୍ଟର ମିଳୁଛି । ପୂର୍ବରୁ ଇଲେକ୍ଟ୍ରୋନିକ୍ କାର୍ବୁରେଟର ମିଳୁଥିଲା । ତେବେ ଏଥିରେ ଡିଜିଟାଲ ସ୍ପିଡୋମିଟର ମିଳୁନି । ଏବେ ମଧ୍ୟ ଏଥିରେ ଆନାଲଗ୍ ମିଟର ମିଳୁଛି । ବଜାରରେ ଏହା ହିରୋ ସ୍ପ୍ଲେଣ୍ଡର ସହ ମୁକାବିଲା କରିବ ।
