ବିମାନରେ ଯାତ୍ରୀଙ୍କ ମୃତ୍ୟୁ; ଅବତରଣ ପରେ ମଧ୍ୟ ମୃତଦେହ ସହ ୨ ଘଣ୍ଟା ରହିଲେ ଯାତ୍ରୀ
ନୂଆଦିଲ୍ଲୀ: ବିମାନଟି ଅବତରଣ କରିବା ପରେ ମଧ୍ୟ ଯାତ୍ରୀମାନଙ୍କୁ ଏକ ମୃତଦେହ ସହ ପ୍ରାୟ ଦୁଇ ଘଣ୍ଟା ରହିବାକୁ ପଡିଛି । ଏହି ଘଟଣା ଏୟାର ନ୍ୟୁଜଲ୍ୟାଣ୍ଡ ବିମାନରେ ଘଟିଛି । ଗ୍ରାଉଣ୍ଡ କ୍ରୁ ସଦସ୍ୟ ସେଠାରେ ଉପସ୍ଥିତ ନଥିବାରୁ ଏଭଳି ଅଭାବନୀୟ ଘଟଣା ଘଟିଛି । ଏୟାରଲାଇନର ଅବ୍ୟବସ୍ଥା କାରଣରୁ ଯାତ୍ରୀମାନଙ୍କୁ ଏଭଳି ଦୁର୍ଦ୍ଦଶା ଭୋଗିବାକୁ ପଡିଛି । ହଙ୍ଗକଙ୍ଗରୁ ଅଙ୍କଲ୍ୟାଣ୍ଡ ଯାଉଥିବା ବିମାନର ଦିଗ ପରିବର୍ତ୍ତନ କରାଯାଇ ଅଷ୍ଟ୍ରେଲିଆର କେରନ୍ସରେ ଅବତରଣ କରାଯାଇଥିଲା।
ଜଣେ ଯାତ୍ରୀଙ୍କ ବୟାନ ଅନୁଯାୟୀ, ୬୦ ବର୍ଷୀୟ ଜଣେ ମଧୁମେହ ପୁରୁଷ ରୋଗୀ ସାଙ୍ଗରେ ଇନ୍ସୁଲିନ୍ ଆଣିବାକୁ ଭୁଲି ଯାଇଥିଲେ । ବିମାନ ଅବତରଣ ସମୟରେ ଅନ୍ୟ ଯାତ୍ରୀମାନେ ଅକ୍ସିଜେନ୍ ମାକ୍ସ ପିନ୍ଧିଥିବା ବେଳେ ଉକ୍ତ ଯାତ୍ରୀ ଜଣଙ୍କର ନିଶ୍ବାସ ପ୍ରଶ୍ବାସ ନେବାରେ ଅସୁବିଧା ହୋଇଥିଲେ । ଫଳରେ ବିମାନ ମଧ୍ୟରେ ତାଙ୍କର ମୃତ୍ୟୁ ହୋଇଥିଲା। ବିମାନଟି ଅବତରଣ କରି ସାରିଥିଲେ ମଧ୍ୟ କ୍ରୁ ସଦସ୍ୟଙ୍କ ଅବହେଳାରୁ ଯାତ୍ରୀମାନଙ୍କୁ ପ୍ରାୟ ୨ ଘଣ୍ଟା ବିମାନ ମଧ୍ୟରେ ମୃତଦେହ ସହ ରହିବାକୁ ପଡିଥିଲା ।
