nua o banner

ଦୁର୍ଘଟଣା ପରେ ସମୁଦ୍ରକୁ ଖସିଲା ବିମାନ; ପାଇଲଟ୍‌ କଲେ ଭିଡିଓ ଉତ୍ତୋଳନ

bjd gruha runa banner

କାଲିଫର୍ନିଆ : ଆମେରିକାରେ ହୋଇଥିବା ବିମାନ ଦୁର୍ଘଟଣାର ଅଦ୍ଭୁତ ଘଟଣା ସମ୍ନାକୁ ଆସିଛି । ଏକ ବିମାନ ଦୁର୍ଘଟଣାଗ୍ରସ୍ତ ହେବା ପରେ ସମୁଦ୍ରରେ ଖସି ପଡିଥିଲା । ସେହି ସମୟରେ ବିମାନର ପାଇଲଟ୍‌ ୱିଙ୍ଗ ଉପର ରହି ଏହାର ଭିଡିଓ ଉତ୍ତୋଳନ କରୁଥିଲେ । ଯାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଘଟଣା ଆମେରିକାର ଉତ୍ତର କାଲିଫର୍ନିଆରେ ଘଟିଛି ।

ସୂଚନାଯୋଗ୍ୟ, ସ୍ଥାନୀୟ ଉପକୂଳବର୍ତ୍ତୀ ସହର ହାଫ୍ ମୁନ୍‌ରେ ଏକ ଛୋଟ ଏୟାରକ୍ରାଫ୍ଟ ବିଇ-୩୬ ଦୁର୍ଘଟଣାଗ୍ରସ୍ଥ ହୋଇ ସୁମଦ୍ର ଭିତରେ ଖସି ପଡିଥିଲା। ବିମାନରେ ପାଇଲଟ୍ ଡେଭିଡ୍ ଲେଶ୍ ଓ ତାଙ୍କର ଜଣେ କାୟଲା ବନ୍ଧୁ ସବାର ଥିଲେ । ସୌଭାଗ୍ୟବଶତଃ ଏମାନେ ଏହି ଦୁର୍ଘଟଣାରୁ ବର୍ତ୍ତି ଯାଇଥିଲେ । ମିଳିଥିବା ସୂଚନା ଅନୁଯାୟୀ ବିମାନ ଖସିବା ପୂର୍ବରୁ ସେମାନେ ସମୁଦ୍ରକୁ ଡେଇଁ ପଡିଥିଲେ । ପ୍ରାୟ ୩୦ ମିନିଟ୍ ପରେ କୋଷ୍ଟଗାର୍ଡ ଅଧିକାରୀମାନେ ହେଲିକପ୍ଟର ସାହାଯ୍ୟରେ ସେମାନଙ୍କୁ ବାହାର କରିଥିଲେ। ପାଇଲଟ୍ ଡେଭିଡ୍ ଲେଶ୍ କହିଛନ୍ତି ଯେ, ସୌଭାଗ୍ୟବଶତଃ ଆମେ ବର୍ତ୍ତି ଯାଇଛୁ, କିନ୍ତୁ ପାଣି ବହୁତ ଥଣ୍ଡା ଥିଲା।

Comments are closed.