ମୁମ୍ବଇ : ମଝି ଆକାଶରେ ଜଣେ ପାଇଲଟ ହଠାତ ହୃଦଘାତର ଶିକାର ହେବାଫଳରେ ଆମେରିକାଗାମୀ ଏୟାର ଇଣ୍ଡିଆର ଏକ ବିମାନ ଜାପାନରେ ଜରୁରୀ ଅବତରଣ କରିଛି। ଏୟାର ଇଣ୍ଡିଆର ଏହି ବିମାନଟି ଦିଲ୍ଲୀରୁ ବୁଧବାର ଭୋର ୪.୩୦ରେ ସାନ୍ଫ୍ରାନ୍ସିସ୍କୋ ଅଭିମୁଖେ ଯାତ୍ରାରମ୍ଭ କରିଥିଲା। ତେବେ ବିମାନଟି ପ୍ରଶାନ୍ତ ମହାସାଗର ଉପରେ ଉଡୁଥିବାବେଳେ ସହକାରୀ ପାଇଲଟ ହଠାତ ଛାତିରେ ଅସହ୍ୟ ଯନ୍ତ୍ରଣା ଅନୁଭବ କରିଥିଲେ। ବିମାନ କର୍ମଚାରୀମାନେ ତାଙ୍କୁ ପ୍ରାଥମିକ ଚିକିତ୍ସା ଯୋଗାଇଥିଲେ ସୁଦ୍ଧା ଯନ୍ତ୍ରଣା ଉପଶମ ହୋଇନଥିଲା। ଫଳରେ ମୁଖ୍ୟ ପାଇଲଟ ବିମାନଟିକୁ ନିକଟସ୍ଥ ଜାପାନର ସାପୋରୋ ବିମାନବନ୍ଦରରେ ଜରୁରୀ ଅବତରଣ କରାଇଥିଲେ। ସାପୋରୋରେ ପହଞ୍ଚିବାକୁ ପ୍ରାୟ ତିନି ଘଣ୍ଟା ସମୟ ଲାଗିଥିଲା। ସେଠାରେ ପହଞ୍ଚିବାପରେ ସଂପୃକ୍ତ ପାଇଲଟଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। ସେଠାରେ ତାଙ୍କର ଆଞ୍ଜିଓପ୍ଲାଷ୍ଟ୍ ଅସ୍ତ୍ରୋପଚାର କରାଯାଇଥିଲା। ବର୍ତ୍ତମାନ ପାଇଲଟଙ୍କ ସ୍ୱାସ୍ଥାବସ୍ଥା ଠିକ୍ ରହିଛି। ପ୍ରାୟ ଦୁଇ ଘଣ୍ଟା ବିଳମ୍ବରେ ଏୟାର ଇଣ୍ଡିଆ ବିମାନଟି ପୁଣି ସାନ୍ଫାନ୍ସିସ୍କୋ ଅଭିମୁଖେ ଯାତ୍ରାରମ୍ଭ କରିଥିବା ଜଣାପଡିଛି।
Popular Categories
Previous article
Next article