ଫୁଲବାଣୀ : କନ୍ଧମାଳ ଜିଲା ଫିରିଙ୍ଗିଆ ଥାନା ବନ୍ଧଗଡ଼ ଗାଁ ନିକଟରେ ଥିବା ପାଟଖଣ୍ଡା ପାହାଡ଼ ଉପରେ ଥିବା ଜଙ୍ଗଲରେ ଏକ ଗଛରୁ ଜଣେ ଯୁବକଙ୍କ ଝୁଲନ୍ତା ମୃତ ଦେହକୁ ପୋଲିସ ଉଦ୍ଧାର କରିଛି। ମୃତ ବ୍ୟକ୍ତି ଜଣକ ସେହି ବନ୍ଧଗଡ଼ ଗାଁର ଭୂମି ବିଶିମାଝୀଙ୍କ ପୁଅ ଭରତ ବିଶିମାଝୀ ୪0 ବୋଲି ଜଣାପଡିଥିବା ବେଳେ ସେ ବିବାହିତ ଓ ତାଙ୍କର ଗୋଟେ ଝିଅ ଓ ଗୋଟେ ପୁଅ ମଧ୍ୟ୍ୟ ଥିବା ଜଣାପଡିଛି।
ସୂଚନା ଅନୁସାରେ ମୃତକ ଜଣକ ଗୁରୁବାର ସକାଳୁ ଶୌଚ ହେବା ପାଇଁ ଘରୁ ଯାଇ ଆଉ ଘରକୁ ଫେରି ନଥିଲେ। ପରିବାର ଲୋକେ ଖୋଜାଖୋଜି କରିବା ସମୟରେ ଉକ୍ତ ପାହାଡ଼ ଉପରେ ଥିବା ଜଙ୍ଗଲର ଏକ ଗଛରେ ସମୃକ୍ତ ବ୍ୟକ୍ତି ଙ୍କ ମୃତ ଦେହ ଝୁଲୁ ଥିବା ଦେଖିବାକୁ ପାଇଥିଲେ। ପରେ ଖବର ପାଇ ଫିରିଙ୍ଗିଆ ଥାନା ଅଧିକାରୀ ଗୋପୀନାଥ ପ୍ରଧାନଙ୍କ ନିର୍ଦେଶରେ ଥାନାରେ କାର୍ଯ୍ୟରତ ଏଏସଆଇ ପ୍ରମୋଦ କୁମାର ପ୍ରଧାନ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରିବା ସହ ବ୍ୟବଚ୍ଛେଦ ପାଇଁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଲୟକୁ ପଠେଇ ଦେଇଛି।
ଅନ୍ୟପଟେ ଆତ୍ମ ହତ୍ୟାର କାରଣ ଜଣାପଡିନଥିବା ବେଳେ ମୃତକ ଜଣକ ଜଣେ ମାନସିକ ରୋଗୀ ଓ ସେ ଦୀର୍ଘ ଦିନ ଧରି ମାନସିକ ରୋଗରେ ପୀଡିତ ହୋଇ ଚିକିତ୍ସିତ ମଧ୍ୟ୍ୟ ହେଉଥିବା ତାଙ୍କ ସ୍ତ୍ରୀ ବୟାନ ଦେଇଥିବା ବେଳେ ପୋଲିସ ଘଟଣାକୁ ନେଇ ଫିରିଙ୍ଗିଆ ଥାନାରେ ୯/୨୪ ରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖିଥିବା ଥାନା ଅଧିକାରୀ ଗୋପୀନାଥ ପ୍ରଧାନ ସୂଚନା ଦେଇଛନ୍ତି।
Comments are closed.