ଫୁଲବାଣୀ: ରାଜ୍ୟ ସରକାରଙ୍କ ଜବରଦଖଲ ଉଚ୍ଛେଦ ନିଷ୍ପତ୍ତି ବିରୋଧରେ ମଙ୍ଗଳବାର କଳିଙ୍ଗା ଡ଼ାକବଙ୍ଗଳା ଠାରେ ଜିଲା ସିଟିଜେନ ଫୋରମ ପକ୍ଷରୁ ସାଧାରଣ ସମ୍ପାଦକ ସୁନୀଲ ପଟ୍ଟନାୟକ, କନ୍ଧମାଳ ପିପୁଲସ ଫୋରମ ପକ୍ଷରୁ ଅଧ୍ୟକ୍ଷ ରାଧା ମୋହନ ମହାପାତ୍ର, ମିଡ଼ିଆ ଫୋରମ ସଭାପତି ସନ୍ତୋଷ ଡିଗାଲ, ଜିଲା ସମିତି ସଭ୍ୟ ସଭାପତି ବଦ୍ୟନାଥ ବେହେରା, ଅବସରପ୍ରାପ୍ତ ରେଳ ବିଭାଗ ଅଧିକାରୀ ଦିଲୀପ ନାୟକ ପ୍ରମୁଖ ଉପସ୍ଥିତ ରହି ଜି.ଉଦୟଗିରି ବିଧାୟକ ପ୍ରଫୁଲ ପ୍ରଧାନଙ୍କ ସହ ଦୀର୍ଘ ସମୟ ଧରି ଆଲୋଚନା କରିବା ସହ ସବୁ ସଂଗଠନ ପକ୍ଷରୁ ସ୍ମାରକ ପତ୍ର ପ୍ରଦାନ କରାଯାଇଥିଲା।
ବିଧାୟକ ଶ୍ରୀ ପ୍ରଧାନ ସରକାରଙ୍କ ଜବର ଦଖଲ ଉଛେଦ ନିଷ୍ପତ୍ତି ସମ୍ପୂର୍ଣ୍ଣ ଭୁଲ ନିଷ୍ପତ୍ତି ବୋଲି କହିବା ସହ ଗରିବ ଭୂମିହୀନ ଲୋକ ମୁଣ୍ଡ ଗୁଞ୍ଜିବା ପାଇଁ ସରକାରୀ ଜାଗାରେ ଘର କରି ଦୀର୍ଘ ବର୍ଷ ହେଲା ରହିଛନ୍ତି, ସେମାନଙ୍କୁ ପଟା ଦେବା ପରିବର୍ତ୍ତେ ଘରଭାଙ୍ଗିବା ଲାଗି ପ୍ରଶାସନକୁ ଚିଠି ଦେବା ଲଜ୍ୟା ଜନକ ବୋଲି କହିଥିଲେ।
କୌଣସି ପରିସ୍ଥିତି ରେ ଘର ଭାଙ୍ଗିବାକୁ ଦିଆଯି ବ ନାହିଁ ବୋଲି କହିବାସହ ଏ ନେଇ ବିଧାନସଭା ଅଧିବେଶନ ବେଳେ ପ୍ରଶ୍ନ ଉଠାଇବା ସହ ମୁଖ୍ୟମନ୍ତ୍ରୀ ଙ୍କ ସହ ଆଲୋଚନା କରିବେ ବୋଲି କହିଥିଲେ। ଆଲୋଚନା ବେଳେ ଯୁବ କଂଗ୍ରେସ ସଭାପତି ଚନ୍ଦନ ପଣ୍ଡା ଉପସ୍ଥିତ ଥିଲେ।
