ଫୁଲବାଣୀ:ଜିଲା ବିଜୁ ଜନତା ଦଳ ପକ୍ଷରୁ ଆଜି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୨୬ତମ ତିରୋଧାନ ଦିବସ ପାଳିତ ହୋଇ ଯାଇଛି। ଫୁଲବାଣୀ ନିର୍ବାଚନ ମଣ୍ଡଳୀ ସ୍ତରୀୟ ଏହ କାର୍ଯ୍ୟକ୍ରମ ଅବସରରେ ଆଜି ଦଳ ପକ୍ଷରୁ ପ୍ରଭାତ ଫେରି ଆୟୋଜିତ ହୋଇଥିଲା। ଏହାପରେ ସ୍ଥାନୀୟ ନଦୀଖଣ୍ଡି ସାହି ସ୍ଥିତ ନେହେରୁ ପାର୍କ ନିକଟସ୍ଥ ସାଲୁଙ୍କି ନଦୀ ଘାଟରେ ଜିଲା ସଭାପତି ସରୋଜ କର୍ଣ୍ଣଙ୍କ ନେତୃତ୍ବରେ ତିଳତର୍ପଣ କରାଯାଇଥିଲା। ଏହା ପରେ ମୁଖ୍ୟ ବଜାର ଠାରେ ବିଜୁବାବୁଙ୍କ ପ୍ରତିମୂର୍ତ୍ତିରେ ଜିଲା ପର୍ଯ୍ୟବେକ୍ଷକ ବିଜୟ ନାୟକଙ୍କ ସମେତ ବିଜେଡି ନେତା ଓ କର୍ମୀ ପୁଷ୍ପମାଲ୍ୟ ସହିତ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସେହିପରି ମହିଳା ବିଜେଡି ଆନୁକୂଲ୍ୟରେ ଏକ ଶୋଭାଯାତ୍ରା ବାହାରି ଜିଲା ମୁଖ୍ୟ ଚିକିତ୍ସାଳୟ ପରିସରରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବିଜୁପଟ୍ଟନାୟକ ପ୍ରତିମୂର୍ତ୍ତି ସମ୍ମୁଖରେ ସମୁହ ଦୀପଦାନ ଶପଥ ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ଫୁଲବାଣୀ ବିଧାୟକ ଅଙ୍ଗଦ କହଁର ଯୋଗ ଦେଇଥିଲେ। ଆଜିର ଏହି ସମସ୍ତ କାର୍ଯ୍ୟକ୍ରମରେ ପୂର୍ବତନ ବିଧାୟକ ଦେବେନ୍ଦ୍ର କହଁର, ଖଜୁରିପଡ଼ା ବ୍ଲକ ଅଧ୍ୟକ୍ଷା ଅନିମା କହଁର, ବରିଷ୍ଠ ନେତା ସୁଦର୍ଶନ କହଁର, ପୌର ପରିଷଦ ଉପାଧ୍ୟକ୍ଷା ପାୟଲ ବେହେରା, ଯୁବ ଉପସଭାପତି ପାର୍ଥ ସାରଥୀ ବିଶ୍ୱାଳ, ବିଜେଡି ମିଡିଆ ସଂଯୋଜକ ରାଜେନ୍ଦ୍ର ପାଢ଼ୀ, ନଗର ସଭାପତି ବିମଳ ପାଢ଼ୀ ପ୍ରମୂଖ ଯୋଗ ଦେଇ ଥିଲେ।
Comments are closed.