କନ୍ଧମାଳ ପୁଲିସକୁ ଆଉ ଏକ ସଫଳତା; ବିପୁଳ ପରିମାଣର ମାଓ ସାମଗ୍ରୀ ଜବତ

ଫୁଲବାଣୀ: କନ୍ଧମାଳ ପୁଲିସକୁ ଆଉ ଏକ ସଫଳତା ମିଳିଛି । ଏକ ମାଓବାଦୀ କ୍ୟାମ୍ପ ଠାବ କରିବା ସହ ବିପୁଳ ପରିମାଣର ମାଓ ସାମଗ୍ରୀ ଜବତ କରିଛି କନ୍ଧମାଳ ପୁଲିସ । ଗତ ୧୪ତାରିଖରେ ଏନେଇ ଖବର ପାଇ ବାଲିଗୁଡା ଥାନା ଅନ୍ତର୍ଗତ ଶୁଡ୍ରା ପଞ୍ଚାୟତର ତିଲକି ଗ୍ରାମ ନିକଟ ଜଙ୍ଗଲରେ ଏସ୍ଓଜି ଓ ଡିଭିଫ୍ର ମିଳିତ କୋମ୍ବିଂ ଅପରେସନ ଆରମ୍ଭ କରିଥିଲା । ସେହି ସମୟରେ ସେଠାରେ ଏକ ମାଓବାଦୀ କ୍ୟାମ୍ପ ଚାଲିଥିବା ଠାବ କରିଥିଲେ । ସୁରକ୍ଷା କର୍ମୀ ମାନଙ୍କୁ ଦେଖି ମାଓବାଦୀ ମାନେ ସେଠାରୁ ପଳାଇ ଯାଇଥିଲେ । ହେଲେ ସେଠାରେ ୧୦ରୁ ୧୨ଜଣ ମାଓବାଦୀ କେକେବିଏନ୍‌ ଡିଭିଜନ ର ଥିବା ସନ୍ଦେହ କରାଯାଉଛି । ସର୍ଚ୍ଚ ଅପରେସନ ବେଳେ ଜଙ୍ଗଲରୁ ମାଓ ସମାଗ୍ରୀ ଜବତ କରାଯାଇଛି l ସେଠାରୁ ମେଡିସିନ୍,  ମାଓ ପୋଷାକ , ଛୁରୀ, ଟାଙ୍ଗିଆ ,ଟିଫିନ,  ଆଲୁମିନିଅମ ହାଣ୍ଡି , ଦେକିଚି , ପାଲ ଜବତ କରିଛି l ବର୍ତ୍ତମାନ ସୁଦ୍ଧା ସେଠାରେ କମ୍ବିଂ ଅପରେସନ ଚାଲିଥିବା ସୂଚନା ଦେଇଛନ୍ତି କନ୍ଧମାଳ ଏସ୍ପି ବିନୀତ ଅଗରୱାଲ l