ଭୁବନେଶ୍ୱର: ରାଜ୍ୟର ୭୦ଟି ଶିକ୍ଷାନୁଷ୍ଠାନ (ବିଶ୍ବବିଦ୍ୟାଳୟ ଓ ସ୍ବୟଂଶାସିତ ମହାବିଦ୍ୟାଳୟ)ର ସ୍ନାତକୋତ୍ତର (ପିଜି) ପାଠ୍ୟକ୍ରମ ନାମ ଲେଖା ପାଇଁ ମେଧା ତାଲିକା ପ୍ରକାଶ ପାଇଛି। ଗତ ୨୧ ତାରିଖରେ ଉଚ୍ଚଶିକ୍ଷା ବିଭାଗ ପକ୍ଷରୁ ରାଜ୍ୟସ୍ତରୀୟ ମେଧା ତାଲିକା ପ୍ରକାଶ ପାଇଥିଲା। ଛାତ୍ରଛାତ୍ରୀ www.samsodisha.gov.in ୱେବସାଇଟ୍ରେ ଷ୍ଟୁଡେଣ୍ଟ ଲଗ୍ଇନ୍ କରି ସେମାନଙ୍କର ମେଧା ତାଲିକା ଦେଖିପାରିବେ। ଆସନ୍ତା ୯ରୁ ୧୧ ତାରିଖ ପୂର୍ବାହ୍ନ ୧୦ଟାରୁ ୫ଟା ମଧ୍ୟରେ ଛାତ୍ରଛାତ୍ରୀଙ୍କର ନାମଲେଖା ଅନୁଷ୍ଠିତ ହେବ। ଏହି ସମୟ ମଧ୍ୟରେ ବିଦ୍ୟାର୍ଥୀ ମାନେ ରିପୋର୍ଟିଂ କରିପାରିବେ। ୯ ତାରିଖ ପୂର୍ବାହ୍ନ ୧୦ଟାରୁ ୧୨ ତାରିଖ ସନ୍ଧ୍ୟା ୬ଟା ମଧ୍ୟରେ ଛାତ୍ରଛାତ୍ରୀ ଅନ୍ଲାଇନ୍ରେ ସ୍ଲାଇଡ୍ ଅପ୍ ନେଇ ଆବେଦନ କରିପାରିବେ। ୧୨ ତାରିଖ ଅପରାହ୍ଣ ୨ଟା ସୁଦ୍ଧା ପ୍ରଥମ ପର୍ଯ୍ୟାୟରେ ନାମ ଲେଖାଇଥିବା ଛାତ୍ରଛାତ୍ରୀଙ୍କ ତଥ୍ୟ ଉପଲବ୍ଧ ହେବ। ୧୭ ତାରିଖ ପୂର୍ବାହ୍ନ ୧୧ଟାରେ ଦ୍ବିତୀୟ ପର୍ଯ୍ୟାୟ ମେଧା ତାଲିକା ବିଶ୍ବବିଦ୍ୟାଳୟ ଓ କଲେଜସ୍ତରୀୟ ପ୍ରକାଶ ପାଇବ। ୧୮ରୁ ୨୦ ତାରିଖ ପର୍ଯ୍ୟନ୍ତ ଛାତ୍ରଛାତ୍ରୀ ରିପୋର୍ଟିଂ, କାଗଜପତ୍ର ଯାଞ୍ଚ, ଦେୟପୈଠ ଓ ନାମଲେଖା ଅନୁଷ୍ଠିତ ହେବ। ୧୯ରୁ ୨୨ ତାରିଖ ପର୍ଯ୍ୟନ୍ତ ସ୍ଲାଇଡ୍ ଅଫ୍ ଅପ୍ସନ୍ ଦେଇପାରିବେ। ୨୨ ତାରିଖରେ ନାମଲେଖା ସମ୍ପର୍କିତ ସବିଶେଷ ତଥ୍ୟ ଅପଲୋଡ୍ ହେବ। ୨୬ ତାରିଖ ପୂର୍ବାହ୍ନ ୧୧ଟାରେ ତୃତୀୟ ପର୍ଯ୍ୟାୟ ମନୋନୟନ ତାଲିକା ପ୍ରକାଶ ପାଇବ। ୨୮ ଓ ୨୯ରେ ଛାତ୍ରଛାତ୍ରୀଙ୍କ କାଗଜପତ୍ର ଯାଞ୍ଚ, ଦେୟପୖଠ ଓ ନାମଲେଖା ହେବ। ୩୦ ଅପରାହ୍ନ ୨ଟା ସୁଦ୍ଧା ଚୂଡ଼ାନ୍ତ ନାମଲେଖା ସମ୍ପର୍କିତ ତଥ୍ୟ ଅପଲୋଡ୍ ହେବ।
Popular Categories
Previous article
Next article