ପାତ୍ରପୁର: ପାତ୍ରପୁର ବ୍ଲକ ତଣ୍ଡିପୁର ପଞ୍ଚାୟତ ପଣସ ଖୋଲ ନିକଟରେ ବଜ୍ରାଘାତ ଘଟିବା ଫଳରେ ପାଞ୍ଚ ଗୋଟି ଛେଳିର ମୃତ୍ୟୁ ହୋଇଛି। ପଦାଦିଗି ପଞ୍ଚାୟତ ଆମ୍ବଗାଁର ଜି.ସାକିଲି ନିଜର ଛେଳି ଗୋଠ ନେଇ ପଣସଖୋଲ ନିକଟରେ ଚରାଉ ଥିଲେ। ଅପରାହ୍ନରେ ବର୍ଷା ସହିତ ବଜ୍ରପାତ ଘଟିବା ବେଳେ ୫ଟି ଛେଳିର ମୃତ୍ୟୁ ହୋଇଛି। କିନ୍ତୁ ଛେଳିଆଳ ସାକିଲି ଅଳ୍ପକେ ବର୍ତ୍ତି ଯାଇଛନ୍ତି।
ଆଜି ପାତ୍ରପୁର ବ୍ଲକର ବିଭିନ୍ନ ସ୍ଥାନରେ ବର୍ଷା ସାଙ୍ଗକୁ ବଜ୍ରପାତ ହୋଇଥିଲା। ସାକିଲି ନିଜର ଛେଳି ଗୋଠ ନେଇ ପଣସଖୋଲ ନିକଟରେ ଚରାଉ ଥିଲେ। ସାକିଲି ଛେଳିପଲ ସହିତ ଏକ ଗଛମୂଳରେ ଆଶ୍ରୟ ନେଇଥିବା ବେଳେ ବଜ୍ରାଘାତ ହୋଇଥିଲା। ଏଥିରେ ୫ଟି ଛେଳିର ମୃତ୍ୟୁ ଘଟିଥିଲା। ତେବେ ଏଥିରୁ ଅଳ୍ପକେ ସାକିଲି ବର୍ତ୍ତି ଯାଇଥିଲେ। ଖବର ପାଇ ଘଟଣାସ୍ଥଳରେ ଗୋଷ୍ଠୀ ପଶୁ ଚିକିତ୍ସାଧିକାରୀ ପହଞ୍ଚି ଥିବା ଜଣାପଡିଛି। ସାକିଲି ଜଣେ ଗରିବ ବ୍ୟକ୍ତି ହୋଇ ଥିବାରୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।
Comments are closed.