ପାତ୍ରପୁର: ପାତ୍ରପୁର ବ୍ଲକ ତୁରିବୁଡିରୁ ଗଜପତି ଜିଲ୍ଲା ମହେନ୍ଦ୍ରଗଡ଼ ଅଞ୍ଚଳକୁ ଟ୍ରାକ୍ଟର ଯୋଗେ ବାଲି ନେଉଥିବାବେଳେ ଦୁର୍ଘଟଣା ଘଟି ଚାଳକଙ୍କ ମୃତ୍ୟୁ ଘଟିଛି। ମୃତ ଚାଳକଙ୍କ ନାମ ମୁନା ନାଇକ(୨୩) ବୋଲି ଜଣାପଡ଼ିଛି। ତୁରିବୁଡି ଇନ୍ଦିରା ଆବାସ କଲୋନୀର ଦଳିତ ଯୁବକ ମୁନା ରବିବାର ଭୋର ସମୟରେ ବାଲି ବୋଝେଇ କରି ମହେନ୍ଦ୍ରଗଡ଼ ଅଞ୍ଚଳକୁ ନେଉଥିଲେ। ଏହି ସମୟରେ ଝଗଡାପଲ୍ଲୀ ନିକଟରେ ଟ୍ରାକ୍ଟରଟି ଭାରସାମ୍ୟ ହରାଇ ଓଲଟି ପଡ଼ିବା ଫଳରେ ସେ ଚାପି ହୋଇ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଖବର ଶୁଣି ସ୍ଥାନୀୟ ଲୋକେ ତାଙ୍କ ମୃତଦେହକୁ ଘରକୁ ନେଇଆସିଥିଲେ। ଖାରିଆଗୁଡା ଫାଣ୍ଡି ଅଧିକାରୀ ପ୍ରଫୁଲ୍ଲ କୁମାର ଶତପଥି ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ଶବ ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଛନ୍ତି। ଏନେଇ ଏକ ଅପମୃତ୍ୟୁ ମାମଲା ରୁଜ୍ଜୁ କରାଯାଇଥିବା ଜଣାଯାଇଛି। ଗତ କାଲି ରାତିରେ ବୁଡାଗଡ଼ ଗ୍ରାମରେ ଅନୁଷ୍ଠିତ ଠାକୁରାଣୀ ଯାତ୍ରା ଦେଖି ମୁନା ଫେରିଥିଲେ। ତେବେ ରାତି ଅନିଦ୍ରା ଯୋଗୁଁ ଏହିଭଳି ଦୁର୍ଘଟଣା ହୋଇଥିବା ଆଶଙ୍କା କରାଯାଉଛି। ତିନିଦିନ ପୂର୍ବେ ଏହି ସ୍ଥାନରେ ଅଟୋ ଓଲଟି ନିକଟ କୃଷ୍ଣପୁର ଗ୍ରାମର ଜଣେ ଆଦିବାସୀ ଯୁବକଙ୍କ ମୃତ୍ୟୁ ଘଟିଥିଲା।
Popular Categories
Previous article
Next article