ପାତ୍ରପୁର: ପାତ୍ରପୁର ବ୍ଳକ ଅନ୍ତର୍ଗତ ବରଙ୍ଗ ଗ୍ରାମରେ ଗତ ରାତ୍ର ଅଗ୍ନିକାଣ୍ଡ ଘଟି ଗୋଟିଏ ଘରର ସମସ୍ତ ଆସବାବପତ୍ର ପୋଡି ନଷ୍ଟ ହୋଇ ଯାଇଛି। ଗ୍ରାମର ଗୋରିଲା ତ୍ରିନାଥଙ୍କ ଘର ପୋଡି ଯିବାରୁ ଘର ଭିତରେ ଥିବା ସମସ୍ତ ଆସବାସ ପତ୍ର ପୋଡି ଯାଇଛି । ତ୍ରିନାଥଙ୍କ ପତ୍ନୀ ଦୀର୍ଘ ବର୍ଷ ତଳେ ମୃତ୍ୟୁ ହୋଇଥିବା ବେଳେ ପୁଅ ବୋହୂକୁ ନେଇ କାମ କରିବାକୁ ମୁମ୍ବାଇ ଚାଲି ଯାଇଛନ୍ତି।
ସେ ଏକାକୀ ଘରେ ରହୁଥିବା ବେଳେ ଗତକାଲି ରାତ୍ର କୌଣସି କାମ ପାଇଁ ଅନ୍ୟ ଜଣକ ଘରକୁ ଯାଇ ଥିଲେ। ଏହି ସମୟରେ ତାଙ୍କ ଘର ମଧ୍ୟରୁ ଧୁଆଁ ବାହାରୁ ଥିବା ପଡୋଶୀ ମାନେ ଦେଖି ପାଟି କରିଥିଲେ। ତାଙ୍କ ପଟି ଶୁଣି ଗ୍ରାମର ଲୋକମାନେ ପହଞ୍ଚି ନିଆଁ ଲିଭାଇବା ଉଦ୍ୟମ କରିବା ସହିତ ଅଗ୍ନିଶମ ବିଭାଗକୁ ଖବର ଦେଇ ଥିଲେ। ପାତ୍ରପୁର ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ କରି ଥିଲେ। ତେବେ ସଟ ସକ୍ରିଟ ଯୋଗୁଁ ଏହି ଭଳି ଘଟିଥିବା ଆଲୋଚନା ହେଉଛି। ସେ ଜଣେ ଗରିବ ବ୍ୟକ୍ତି ହୋଇଥିବାରୁ ତାଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବୀ ହେଉଛି।
Comments are closed.