ପାତ୍ରପୁର: ପାତ୍ରପୁର ବ୍ଲକ ଜରଡାଗଡ଼ ଗ୍ରାମରେ ପାଗଳ ବିଲୁଆ କାମୁଡ଼ାରେ ଦୁଇଜଣ ମହିଳା ଆହତ ହୋଇଥିବା ବେଳେ ପ୍ରତି ଆକ୍ରମଣରେ ବିଲୁଆର ମୃତ୍ୟୁ ଘଟିଛି। ଆହତ ଦୁଇ ମହିଳା ସୁମତି ବେହେରା ଏବଂ ଦମୟନ୍ତୀ ବେହେରା ବୋଲି ଜଣାପଡ଼ିଛି। ଉଭୟ ଘର ନିକଟ ଜମିକୁ କୌଣସି କାମ ପାଇଁ ଯାଇଥିବା ବେଳେ ଏକ ପାଗଳ ବିଲୁଆ ସେମାନଙ୍କୁ ଆକ୍ରମଣ କରିଥିଲା। ବିଲୁଆଟି ଦୁହିଁଙ୍କୁ ଆକ୍ରମଣ କରିବା ବେଳେ ଜଣେ ମହିଳାଙ୍କ ହାତରେ ଧରିଥିବା କଟୁରୀ ଚୋଟରେ ବିଲୁଆଟିର ମୃତ୍ୟୁ ଘଟିଛି। ଉଭୟଙ୍କୁ ଜରଡା ପରେ ପାତ୍ରପୁର ଡାକ୍ତରଖାନାକୁ ନିଆଯାଇ ଚିକିତ୍ସା କରାଯାଇଛି। ତାଙ୍କ ଦେହର ବିଭିନ୍ନ ସ୍ଥାନରେ କାମୁଡ଼ାରେ କ୍ଷତ ସୃଷ୍ଟି ହୋଇଛି।
Comments are closed.