ପାଟଣା : ପାଟଣା ବନାଞ୍ଚଳ ଅଧିକାରୀଙ୍କ ଦ୍ୱାରା ଶାଳ ଚଉକାଠ ବୋଝେଇ ଏକ ଅଟୋ ଜବତ କରାଯାଇଛି । ଖବରରୁ ପ୍ରକାଶ ଯେ ଗତ କାଲି ଅପରାହ୍ନରେ ପାଟଣା ବନାଞ୍ଚଳ ଅଧିକାରୀ ବନବିହାରୀ ସର୍ଦ୍ଦାର କୌଣସି କାର୍ଯ୍ୟ ନେଇ କେନ୍ଦେଇପଶି ଯାଉଥିବା ବେଳେ ଏକ ନାଲି ରଙ୍ଗର ଅଟୋରେ ଜରି ଢ଼ଙ୍କା ହୋଇଯାଉଥିବା ଅଟୋ ତାଙ୍କ ନଜରରେ ପଡ଼ିଥିଲା। ସେ ସନ୍ଦେହରେ ଅଟୋକୁ ପିଛା କରିବାରୁ ଅଟୋ ଚାଳକ ଅଟୋ ଛାଡି ପଳେଇ ଯିବାରୁ ଘଟଣା ସ୍ଥଳରେ ପହଁଞ୍ଚି ଦେଖନ୍ତି ତ ଅଟୋରେ ୮ ଖଣ୍ଡ ଶାଳ ଚୌକାଠ ରହିଛି।
ଏଣୁ ସେ ଉକ୍ତ ଅଟୋକୁ ଜବତ କରି ପାଟଣା ବନାଞ୍ଚଳ କାର୍ଯ୍ୟାଳୟକୁ ଆଣିଛନ୍ତି। ଏହି କାଠ ଜବତରେ ବନବିଭାଗ ପାରା କର୍ମଚାରୀ ସଞ୍ଜୟ ମହାନ୍ତ, ତ୍ରିଲୋଚନ ମହାନ୍ତ, ଏମ୍.ଡି ୱାସିମ୍, ଭାଷ୍କର ନାଏକ ସାମିଲି ଥିବାବେଳେ କାଠର ଆନୁମାନିକ ମୂଲ୍ୟ ୧୬ହଜାର ଟଙ୍କା ହେବ ବୋଲି ବନାଞ୍ଚଳ ଅଧିକାରୀ ଶ୍ରୀ ସର୍ଦ୍ଦାର ସୂଚନା ଦେଇଛନ୍ତି।
Comments are closed.