ପାଟଣା: କେନ୍ଦୁଝର ଜିଲା ଅବକାରୀ ଅଧିକ୍ଷକ ସୀତାକାନ୍ତ ମୁଦୁଲିଙ୍କ ନିର୍ଦେଶକ୍ରମେ ଆଜି ଅବକାରୀ ଇନ୍ସପେକ୍ଟର ବେଣୁଧର ସାମଲଙ୍କ ନେତୃତ୍ବରେ ପାଟଣା ଅବକାରୀ ଥାନା ଅଞ୍ଚଳର ବିଭିନ୍ନ ସ୍ଥାନରେ ଚଢାଉ କରାଯାଇ ୪୦୯ ଲିଟର ଚୋରା ମହୁଲି ମଦ ଜବତ କରାଯାଇଛି। ଏହା ସହ ଚୋରା ମଦ ଭାଟି ଭାଙ୍ଗି ୧୨୦୦ କେଜି ମହୁଲ ପୋଚ ଓ ୨୫୦ କେଜି ମହୁଲ ଫୁଲ ନଷ୍ଟ ହୋଇଯାଇଛି । ଏଥି ସହ ମଦଭାଟି ଭାଙ୍ଗି ମଦରନ୍ଧା ସରଞ୍ଜାମ ଜବତ କରିଛି ଅବକାରୀ ବିଭାଗ । ଏହି ଚଢାଉରେ ୮ଟି ମାମଲା ରୁଜୁ ହୋଇଥିବା ବେଳେ ୭ ଜଣଙ୍କୁ ଗିରଫ କରିଛି ଅବକାରୀ ବିଭାଗ। ଗିରଫ ଅଭିଯୁକ୍ତମାନେ ହେଲେ ଖିରେଇଟାଙ୍ଗିରି ଗ୍ରାମର ସୁଶିଳା ପାତ୍ର, କିଆପଡା ଗ୍ରାମର ହୃଦାନନ୍ଦ ଦାସ, ରାଜନଗର ଗ୍ରାମର ଭଜୁ ମୁଣ୍ଡା, କୁମୁଳାବାହାଳି ଗ୍ରାମର ଜଗବନ୍ଧୁ ବେଣ୍ଟକାର, ଦୈତାରୀ ପାତ୍ର, ଗୋବିନ୍ଦ ମାଝୀ ଓ ଜିତୁ ମାଝୀ ବୋଲି ଜଣାପଡିଛି। ଏହି ଚଢ଼ାଉରେ କେନ୍ଦୁଝର , ଘଟଗାଁ ଓ ପାଟଣା ଅବକାରୀ ବିଭାଗ ସାମିଲ ଥିଲେ।
Popular Categories
Previous article
Next article