ପାତ୍ରପୁର -ଜରଡ଼ା ଥାନା ଜରଡ଼ା ଗ୍ରାମର ଜଣେ ବ୍ୟକ୍ତିଙ୍କର ପୋଖରୀ ରେ ବୁଡି ମୃତ୍ୟୁ ହୋଇଥିବା ଜଣା ପଡିଛି। ମୃତ ବ୍ୟକ୍ତି ଜଣକ ହେଉଛନ୍ତି ଜରଡ଼ା ଗ୍ରାମର ଗଙ୍ଗା ଡାକୁଆ (୫୫ ବର୍ଷ) । ଗତକାଲି ଅପରାହ୍ନ ଠାରୁ ଗଙ୍ଗା ନିଖୋଜ ଥିଲେ। ପରିବାର ଲୋକମାନେ ଖୋଜାଖୋଜି କରି ଥିଲେ ମଧ୍ୟ ତାଙ୍କରି ସନ୍ଧାନ ପାଇପାରି ନଥିଲେ।
ଶୁକ୍ରବାର ଗ୍ରାମର କିଛି ବ୍ୟକ୍ତି ନେଳିଆ ବନ୍ଧ ପୋଖରୀ ମଧ୍ୟରେ ଗଙ୍ଗା ଙ୍କ ମୃତଦେହ ଭାସୁଥିବା ଦେଖି ପରିବାର କୁ ଖବର ଦେଇଥିଲେ। ପରିବାର ପକ୍ଷରୁ ଜରଡ଼ା ପୋଲିସ କୁ ଜଣାଇବା ପରେ ପୋଲିସ ଅଗ୍ନିଶମ ବିଭାଗ ସହାୟତାରେ ପୋଖରୀ ମଧ୍ୟରୁ ଶବ ଉଦ୍ଧାର କରିଥିଲେ। ଏହା ପରେ ଶବ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ପଠାଇ ଛନ୍ତି।
