ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ୨୨୦ ନମ୍ବର ଜାତୀୟ ରାଜପଥର ଧାନବେଣି ନିକଟରୁ ଗୋଟିଏ ସ୍କର୍ପିଓ ଭିତରୁ ୩ ଗୋରୁ ଉଦ୍ଧାର ହୋଇଛି । ଆଜି ଭୋରରୁ ଧାନବେଣି ନିକଟରେ ସ୍କର୍ପିଓଟିର ଟାୟାର ପଙ୍କଚର ହୋଇ ଯାଇଥିବାରୁ ଗାଡିଟି ସେଠାରେ ଟାୟାର ବଦଳ କରିବା ପାଇଁ ଛିଡା ହୋଇଥିଲା। ସ୍ଥାନୀୟ ଲୋକେ ସେଠାରେ ପହଞ୍ଚି ଯିବାରୁ ଗାଡି ଛାଡି ଦୁର୍ବୃତ୍ତମାନେ ଫେରାର ହୋଇ ଯାଇଛନ୍ତି । ସ୍କର୍ପିଓ ଭିତରେ ୩ ଗୋରୁ ଅତି ଦୟନୀୟ ଅବସ୍ଥାରେ ଥିବାରୁ ଘଟଣା ସ୍ଥଳରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା। ପୂର୍ବରୁ ବିଭିନ୍ନ ସ୍ଥାନରୁ ଗୋରୁ ଚୋରି ହୋଇଥିବାରୁ ଆଖପାଖର ବହୁ ଲୋକ ଘଟଣାସ୍ଥଳରେ ଏକାଠି ହୋଇ ଯାଇଥିଲେ। ପୁଲିସ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ସ୍କର୍ପିଓ ଓ ୩ ଟି ଗୋରୁ ଜବତ କରି ଘଟଣାର ତଦନ୍ତ ଚଳାଇଛି।
Comments are closed.