ପାଟଣା : କେନ୍ଦୁଝର ଜିଲ୍ଲା ପାଟଣା ବ୍ଲକ୍ କଣ୍ଟିଆପଡା ଡାକଘର ଘେରିଥିଲେ ଶତାଧିକ ମହିଳା ଜମାକାରୀ । ୩ଶହରୁ ଉର୍ଦ୍ଧ୍ବ ଜମାକାରୀଙ୍କ ଲକ୍ଷାଧିକ ଜମା ଟଙ୍କାକୁ ଶାଖା ଡାକପାଳ ଭୈରବ ଚନ୍ଦ୍ର ନାଏକ ହଡ଼ପ କରିଥିବା ଅଭିଯୋଗ ଆଣି ମହିଳାମାନେ ଡାକଘରକୁ ଘେରିଥିଲେ । ଅଭିଯୋଗ ଅନୁଯାୟୀ କଣ୍ଟିଆପଡା, ପୁରୁଣିଆ ଓ ବଲାଣିପଶି ଗ୍ରାମର ଯମୁନା ନାଏକ ,ଟିକି ନାଏକ, ଲକ୍ଷ୍ମୀ ନାଏକ, ଲତା ନାଏକ, ମାଳତୀ ନାଏକ, ସତ୍ୟ ବ୍ରତ ନାଏକ, ଭବାନୀ ନାଏକ, ମାଧବ ନାଏକ, ସୁଲଚନା ନାଏକ, ଚମ୍ପା ବତୀ ନାଏକ, କୁନ୍ତଳା ନାଏକ, ମୁକ୍ତେଶ୍ଵର ନାଏକ, ଲକ୍ଷ୍ମଣ ନାଏକ, ନବତା ନାଏକ, ଯମୁନା ନାଏକ, ଭବାନୀ ନାଏକ,ସିନୁ ନାଏକ, ସୁଲଚନା ନାଏକ ପ୍ରମୁଖ ଶତାଧିକ ଜମାକାରୀ ଡାକଘରେ ଫିକ୍ସ, ପିଏଲଆଇ ସହ ସୁକନ୍ୟା ଯୋଜନାରେ ଟଙ୍କା ଜମା କରିଥିଲେ। ହେଲେ ଡାକପାଳ ତାଙ୍କ ଖାତାରେ ଟଙ୍କା ଜମା ନକରି ଟଙ୍କାକୁ ହଡପ କରିଥିବା ସହ ଜମାକାରୀଙ୍କ ପାସ୍ବୁକ୍କୁ ମଧ୍ୟ ଡ଼ାକପାଳ ଦେଉ ନଥିବା ଅଭିଯୋଗ ଆଣିଛନ୍ତି ଜମାକାରୀ । ପାସ୍ବୁକ୍ ମାଗିଲେ ଡ଼ାକପାଳ ଭୈରବ ନାଏକ ଗାଳି ଗୁଲଜ କରୁଥିବା ଜମାକାରୀ ଅଭିଯୋଗ କରିଛନ୍ତି । ଡାକଘରେ ତାଲା ପକାଇ ଡ଼ାକପାଳ ଫେରାର ହୋଇଯାଇଥିବା ବେଳେ ଜମାକାରୀ ଡ଼ାକଘର ଘେରାଉ କରିଥିଲେ ।
Popular Categories
Previous article
Next article