ପାଟଣା : କେନ୍ଦୁଝର ଜିଲ୍ଲା ଘଟଗାଁ ବନାଞ୍ଚଳ ଅନ୍ତର୍ଗତ ସାନ୍ତରାପୁର ପଞ୍ଚାୟତର ରଘୁବେଡା ବୈଠାଟାଙ୍ଗର ଡ୍ୟାମ ଠାରେ ଥିବା ଅଲେଖ ମହିମା ମଠରେ ଏକ ଗୋଠଛଡା ଦନ୍ତା ପଶି ଘର ଭାଙ୍ଗି ଦେଇଥିବା ବେଳେ ଅନ୍ୟ ଏକ ଘରର ଗ୍ରିଲ ଓ ଝରକା ତାଡି ଦେଇ ବ୍ୟାପକ କ୍ଷତି ଘଟାଇଛି । ଏହା ସହ ମଠରେ ଥିବା ଆମ୍ବ, ପଣସ ଓ ଧାନ ଚାଉଳ ଖାଇ ତିନି ଘଣ୍ଟା ଧରି ଜଗି ରହିବା ପରେ ଦନ୍ତାଟି ମଠରୁ ବାହାରି ଥିଲା । ମଠର ମହନ୍ତ ଲକ୍ଷ୍ମୀଧର ଦାସ ଘଣ୍ଟା ଟିଣ ବଜାଇ ଘଉଡ଼ାଇବା ପାଇଁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ । ପରେ ଛତିଆ ଏବଂ ରଘୁବେଡା ଗାଁର ଲୋକ ପହଞ୍ଚି ଦନ୍ତା ହାତୀକୁ ଘଉଡ଼ାଇ ଥିଲେ । ତେବେ ଦନ୍ତାଟି ଆଖପାଖ ଗ୍ରାମରେ ବ୍ୟାପକ କ୍ଷତି ଘଟାଉଥିବାରୁ ବନ ବିଭାଗ ଦନ୍ତାକୁ ଅନ୍ୟତ୍ର ଘଉଡାଇବାକୁ ଅଞ୍ଚଳ ବାସୀ ଦାବି କରିଛନ୍ତି। ଏହା ସହ ବନବିଭାଗ ମଠର କ୍ଷୟକ୍ଷତି ଆକଳନ କରି ମଠ ମହନ୍ତଙ୍କୁ କ୍ଷତି ପୂରଣ ପ୍ରଦାନ କରିବାକୁ ଦାବି ହୋଇଛି । ପୁନଶ୍ଚ କେନ୍ଦୁଝର ବନଖଣ୍ଡ ତରଫରୁ ସତର୍କ ସୂଚନା ଦିଆଯାଇଛି , ବଣୁଆ ହାତୀ ପଲ ପିପିଳିଆ, ଦାଣ୍ଡିପଶି, ମଥୁରାପଶି ଜଙ୍ଗଲରେ ଥିବାରୁ ଲୋକ ମାନେ ରାତିରେ ଘରୁ ପଦାକୁ ନବାହାରିବାକୁ ସୂଚନା ଦିଆଯାଇଛି । ହାତୀ ପଲଙ୍କ ସୂଚନା ପାଇଲେ ୬୩୭୦୫୯୨୦୯୯ ନମ୍ବର ଜଣାଇବାକୁ କୁହାଯାଇଛି।
Comments are closed.