ପାଟଣା: ଘଟଗାଁ ବ୍ଲକ ପଇଦାପଟଣା ପଂଚାୟତ ଖୁଣ୍ଟାପଡା ଗ୍ରାମର ରାଧାକୃଷ୍ଣ ମନ୍ଦିରର ଦ୍ୱିତୀୟ ବାର୍ଷିକ ଉତ୍ସବ ଗୁରୁବାର ଓ ଶୁକ୍ରବାର ୨ ଦିନ ଧରି ଅନୁଷ୍ଠିତ ହୋଇଯାଇଛି। ପୂଜକ ସୁବାଷ ଚନ୍ଦ୍ର ମିଶ୍ର ଓ ସୁଶାନ୍ତ ଶେଖର ଦାଶ ତାଙ୍କ ସହଯୋଗୀଙ୍କ ସହ ଗୀତା ଯଜ୍ଞ ଓ ଚଣ୍ଡୀପାଠ ଇତ୍ୟାଦି ଦାୟିତ୍ଵ ତୁଲାଇଥିଲେ। ଗୁରୁବାର ସଂଧ୍ୟାରେ ବିଶିଷ୍ଟ ଭଜନ ଗାୟକ ଶିବପ୍ରସାଦ ଦାଶଙ୍କ ଭଜନ ସଂଧ୍ୟା କାର୍ଯକ୍ରମକୁ ପୁର୍ବତନ ସାଂସଦ ଅନନ୍ତ ନାୟକଙ୍କ ଧର୍ମ ପତ୍ନୀ ଲବଙ୍ଗଲତା ନାୟକ, ଶିକ୍ଷାବିତ ଜୟଦେବ ପଣ୍ଡା ଓ ସ୍ଥାନୀୟ ସରପଞ୍ଚ ମୁକୁନ୍ଦ ମୁଣ୍ଡା ପ୍ରମୁଖ ଦୀପ ପ୍ରଜଳନ କରି ଉଦଘାଟନ କରିଥିଲେ। ଆଜି ପୂର୍ଣ୍ଣାହୁତି ସମାରୋହରେ ସମାଜସେବୀ ତଥା ଗରିବ ସେବା ସଦନର ସଭାପତି ଡକ୍ଟର ଶମ୍ଭୁନାଥ ରାଉତଙ୍କ ସହ ପ୍ରଶାନ୍ତ କୁମାର ଗିରି, ଶରତ କୁମାର ବେଜ, ବିଜୟ ପାତ୍ର, ପ୍ରଦୀପ କୁମାର ସାହୁ ପ୍ରମୁଖ ଯୋଗ ଦେଇ ଠାକୁରଙ୍କ ପୂଜାରେ ସାମିଲ ହୋଇଥିଲେ।
Comments are closed.