ପାଟଣା: ପାଟଣା ବଜାରରେ ଦିନକୁ ଦିନ ବଢ଼ିବାରେ ଲାଗିଛି ଚୋରି ଆତଙ୍କ । ଗତରାତି ଚୋର ମାନେ ଏକ ମୋବାଇଲ ଦୋକାନ ସହ ଅନ୍ୟ ଏକ ପାନ ଦୋକାନରୁ ଚୋରି କରିଥିବା ଅଭିଯୋଗ ହୋଇଛି । ପାଟଣାର ମହମ୍ମଦ ସାଜିଦ ଆନୱାରଙ୍କ ଆନସାରି ମୋବାଇଲ ଦୋକାନରୁ ଦାମୀ କମ୍ପାନୀର ୯ଟି ମୋବାଇଲ ଚୋର ଚୋରି କରି ନେଇଛନ୍ତି । ଦୋକାନର ଆଜବେଷ୍ଟକୁ ଭାଙ୍ଗି ଚୋର ମାନେ ଦୋକାନରେ ପଶି ଚୋରି କରିଥିବା ଜଣାପଡ଼ିଛି । ସେହିପରି ଅବିନାଶ ଶତପଥୀଙ୍କ ପାନ ଦୋକାନରୁ ତାଲା ଭାଙ୍ଗି କିଛି ଖୁଚୁରା ସାମଗ୍ରୀ ସହ ନଗଦ ୨୦ ହଜାର ଟଙ୍କା ମଧ୍ୟ ଚୋର ମାନେ ଲୁଟି ନେଇଛନ୍ତି । ଏନେଇ ଉଭୟ ଦୁଇ ଦୋକାନର ମାଲିକ ମାନେ ପାଟଣା ଥାନାରେ ଲିଖିତ ଅଭିଯୋଗ କରିଛନ୍ତି । ପାଟଣା ଥାନାରେ ଏକ ମାମଲା ରୁଜୁ କରାଯାଇ ତଦନ୍ତ କରାଯାଉଛି ।
Comments are closed.