ଅବକାରୀ ବିଭାଗର ମିଳିତ ଚଢାଉ ; ମହୁଲ ପୋଚ ନଷ୍ଟ , ୪ ଗିରଫ

ପାଟଣା : କେନ୍ଦୁଝର ଜିଲ୍ଲା ଅବକାରୀ ଅଧିକ୍ଷକ ନାରାୟଣ ମେହେରଙ୍କ ନିର୍ଦ୍ଦେଶ କ୍ରମେ ଆଜି ପୂର୍ବାହ୍ନରେ ପାଟଣା ଅବକାରୀ ଥାନା ଅଞ୍ଚଳର ଜାମୁଳେଇବେଡା ଓ ଭାଲିଆଡିହା ଗ୍ରାମର ଚୋରା ମଦ ଭାଟି ଉପରେ ପାଟଣା, ଘଟଗାଁ ଓ ସଦର ଅବକାରୀ ବିଭାଗ ପକ୍ଷରୁ ମିଳିତ ଭାବେ ଚଢାଉ କରାଯାଇଥିଲା। ଚଢାଉ ସମୟରେ ଜାମୁଳେଇବେଡା ଗ୍ରାମର ସନାତନ ମୁଣ୍ଡାଙ୍କ ନିକଟରୁ ୧୫ ଲିଟର ଓ ବିରବଲ ମୁଣ୍ଡା ଙ୍କ ଠାରୁ ୬ ଶହ କେଜି ମହୁଲ ପୋଚ ନଷ୍ଟ କରାଯାଇଛି। ସେହିପରି ଭାଲିଆଡିହା ଗ୍ରାମର କରନ ହାଂସଦା ଙ୍କ ଠାରୁ ୩୦ ଲିଟର ଓ ରାମଦେ ମାଝୀ ଙ୍କ ଠାରୁ ୧୦ ଲିଟର ମହୁଲି ମଦ ଜବତ କରାଯାଇଥିବା ବେଳେ ସେଠାରେ ଥିବା ଅନ୍ୟ ଏକ ଚୋରା ମଦ ଭାଟି ରୁ ୨୪୦ ଲିଟର ମହୁଲି ମଦ ଜବତ କରାଯାଇଛି। ଏହି ସମସ୍ତ ୪ ଜଣ ଅଭିଯୁକ୍ତଙ୍କୁ ବେଆଇନ ମଦ କାରବାର ଅଭିଯୋଗରେ ଗିରଫ କରି କୋର୍ଟ ଚାଲାଣ କରିଛି ଅବକାରୀ ବିଭାଗ। ଏହି ଚଢାଉରେ ପାଟଣା ଅବକାରୀ ବିଭାଗ, ଘଟଗାଁ ଅବକାରୀ ବିଭାଗ ଓ ସଦର ଅବକାରୀ ବିଭାଗ ମିଳିତ ଭାବେ ସାମିଲ ହୋଇ ଚଢ଼ାଉ କରିଥିଲେ।

Comments are closed.