ପାଟଣା : ଦିନକୁ ଦିନ ଅମାନିଆ ହୋଇପଡୁଥିବା ଏକ ଗୋଠଛଡା ହାତୀ ପାଟଣା ବନ ଇଲାକାରେ ଉପଦ୍ରବ ଜାରି ରଖିବା ସହ ବୁଲି ବୁଲି ଘର ଭାଙ୍ଗିବା ପରେ ସନ୍ଧ୍ୟାରେ ଦେଓନଦୀ ପାର ହୋଇ କରଞ୍ଜିଆ ବନାଞ୍ଚଳକୁ ଚାଲିଯାଇଛି। ଏହି ଗୋଠଛଡା ଦନ୍ତାଟି ୫ଟି ଘର ଭାଙ୍ଗିବା ସହ ଧାନ ଚାଉଳ ଖାଇଥିବା ବେଳେ ସକାଳୁ ଜଗନ୍ନାଥପୁର ଜଙ୍ଗଲରେ ଡେରା ପକାଇଥିଲା। ଦନ୍ତାଟି ମାଧପୁର ଗ୍ରାମର ଦୈତାରି ମହାନ୍ତ ଓ ସୁହାଗ ନାୟକଙ୍କ ଘର ଭାଙ୍ଗିବା ସହ ନୂଆପଡାର କନକ ମହାନ୍ତ, ସିଲିପଦାର ଆଶୀର୍ବାଦ ମହାନ୍ତ ଓ ଜଗନ୍ନାଥପୁର ଗ୍ରାମର ବୁଦ୍ଧଦେବ ମହାନ୍ତଙ୍କ ଘର ଭାଙ୍ଗିଥିବା ଜଣାପଡ଼ିଛି। ପାଟଣା ବନ ବିଭାଗ ପକ୍ଷରୁ କ୍ଷୟକ୍ଷତି ଆକଳନ କରା ଯାଇଥିବା ବନପାଳ ପିଅନ ନାଏକଙ୍କ ଠାରୁ ସୂଚନା ମିଳିଛି।
Comments are closed.