ନୂଆଦିଲ୍ଲୀ : ବହୁଚର୍ଚ୍ଚିତ ଓ୍ବାକଫ୍ ଆଇନରେ ସଂଶୋଧନ ପାଇଁ ପ୍ରସ୍ତୁତ ଓ୍ବାକଫ୍ (ସଂଶୋଧନ) ବିଧେୟକ ୨୦୨୫ ବୁଧବାର ବିଳମ୍ବିତ ରାତିରେ ୨ଟାରେ ଲୋକସଭାରେ ଗୃହୀତ ହୋଇଛି। ବିଧେୟକ ସପକ୍ଷରେ ୨୮୮ଟି ଭୋଟ୍ ପଡିଥିବାବେଳେ ବିରୋଧରେ ୨୩୨ଟି ଭୋଟ୍ ଯାଇଥିଲା। ଏହି ସଂଶୋଧନ ବିଧେୟକ ଉପରେ ଦୀର୍ଘ ୧୨ ଘଣ୍ଟାରୁ ଅଧିକ ସମୟ ଧରି ବିତର୍କ କରାଯାଇଥିଲା। ଶେଷରେ ଶାସକ ଦଳ ପକ୍ଷରୁ ଆସିଥିବା ଗୋଟିଏ ସଂଶୋଧନ ପ୍ରସ୍ତାବ ଧ୍ବନୀମତରେ ଗୃହୀତ ହୋଇଥିଲା। ଅନ୍ୟପକ୍ଷରେ ବିରୋଧୀଙ୍କ ଆଗତ ପ୍ରାୟ ୧୫୦ ସଂଶୋଧନ ପ୍ରସ୍ତାବ କାଟ୍ ଖାଇଥିଲା। ବିରୋଧୀ ସେମାନଙ୍କର କେତେକ ସଂଶୋଧନ ପ୍ରସ୍ତାବ ଉପରେ ଭୋଟିଂ ଦାବି କରିବାରୁ ବାଚସ୍ପତିି ଓମ୍ ବିର୍ଲା ଏହା ଉପରେ ମତଦାନ କରାଇଥିଲେ। ପ୍ରଥମେ ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ବିଧେୟକକୁ ଆଗତ କରି କିଭଳି ଏହା ଜେପିସିରେ ବ୍ୟାପକ ଚର୍ଚ୍ଚା ଓ ଆଲୋଚନା କରାଯାଇ ସମସ୍ତ ସଂଶୋଧନ ସହ ଲୋକସଭାରେ ଆଗତ କରାଯାଇଛି। ତାହା ଉପରେ ମତ ରଖିଥିଲେ। ଏଥିପାଇଁ ଜେପିସିର ଅଧ୍ୟକ୍ଷ ସାଂସଦ ଜଗଦମ୍ବିକା ପାଲ ଏବଂ ଅନ୍ୟ ସମସ୍ତ ଶାସକ ଓ ବିରୋଧୀ ଦଳରୁ ଥିବା ସଦସ୍ୟଙ୍କୁ ଧନ୍ୟବାଦ ଜଣାଇଥିଲେ।
Popular Categories
Previous article
Next article