ନୂଆଦିଲ୍ଲୀ : ପୁରୀ ରଥଯାତ୍ରାରେ ବ୍ୟବହୃତ ହୋଇଥିବା ରଥର ତିନିଟି ଚକକୁ ସ୍ମାରକୀ ଭାବେ ସଂସଦ ପରିସରରେ ସ୍ଥାନିତ କରାଯିବ ବୋଲି ଲୋକସଭା ବାଚସ୍ପତି ଓମ୍ ବିର୍ଲା ସୂଚନା ଦେଇଛନ୍ତି। ସୂଚନାଯୋଗ୍ୟ ବିର୍ଲା ନିକଟରେ ପୁରୀ ଗସ୍ତରେ ଆସିଥିବାବେଳେ ଜଗନ୍ନାଥ ମନ୍ଦିର ପରିଦର୍ଶନ କରିଥିଲେ। ଏହି ଅବସରରେ ଜଗନ୍ନାଥ ମନ୍ଦିର ପ୍ରଶାସନ ତରଫରୁ ସଂସଦ ଭବନ ପରିସରରେ ତିନିଟି ରଥ ଚକକୁ ସ୍ଥାନିତ କରିବାକୁ ପ୍ରସ୍ତାବ ଦିଆଯାଇଥିଲା। ବିର୍ଲା ଏହି ପ୍ରସ୍ତାବରେ ରାଜି ହୋଇଛନ୍ତି ବୋଲି ଶ୍ରୀମନ୍ଦିରର ମୁଖ୍ୟ ପ୍ରଶାସକ ଅରବିନ୍ଦ ପାଢୀ ଜଣାଇଛନ୍ତି। ପ୍ରତିବର୍ଷ ରଥଯାତ୍ରା ପରେ ତିନି ରଥକୁ ଭଙ୍ଗାଯାଇ ଗୋଦାମରେ ଗଚ୍ଛିତ ରଖାଯାଇ ପରବର୍ତ୍ତୀ ସମୟରେ ଚକ ଓ ଅନ୍ୟ ଅଂଶଗୁଡିକୁ ନିଲାମ କରାଯାଇଥାଏ। ଏହି ପରିପ୍ରେକ୍ଷୀରେ ଜଗନ୍ନାଥଙ୍କ ନନ୍ଦୀଘୋଷ, ସୁଭଦ୍ରାଙ୍କ ଦର୍ପଦଳନ ଏବଂ ବଳଭଦ୍ରଙ୍କ ତାଳଧ୍ବଜ ରଥର ଗୋଟିଏ ଲେଖାଏଁ ଚକ ଦିଲ୍ଲୀ ପଠାଯିବ ବୋଲି କୁହାଯାଇଛି।
Popular Categories
Previous article
Next article