ଜାକର୍ତ୍ତା : ଭାରତର ହରବିନ୍ଦର ସିଂହ ଏଠାରେ ଚାଲିଥିବା ପାରା ଏସୀୟ କ୍ରୀଡାରେ ସ୍ୱର୍ଣ୍ଣପଦକ ଜିତିଥିବାବେଳେ ମୋନୁ ଘାଙ୍ଗାସଙ୍କୁ ରୌପ୍ୟପଦକରେ ସନ୍ତୁଷ୍ଟ ହେବାକୁ ପଡିଛି। ବୁଧବାର ତୀରନ୍ଦାଜୀ ପୁରୁଷ ବ୍ୟକ୍ତିଗତ ରିକର୍ଭ ଇଭେଣ୍ଟ (ଡବ୍ଲ୍ୟୁ୨/ଏସଟି) ବର୍ଗ ଫାଇନାଲରେ ହରବିନ୍ଦର ପ୍ରଥମ ସ୍ଥାନ ଅଧିକାର କରି ସ୍ୱର୍ଣ୍ଣପଦକ ଜିତିଛନ୍ତି। ପୁରୁଷ ଡିସ୍କସ୍ ଥ୍ରୋ ଇଭେଣ୍ଟ (ଏଫ୍୧୧)ରେ ମୋନୁ ଘାଙ୍ଗାସ ୩୫.୮୯ ମିଟର ଦୂରକୁ ଡିସ୍କସ ଫୋପାଡି ଦ୍ୱିତୀୟ ସ୍ଥାନ ଅଧିକାର କରିବା ସହ ରୌପ୍ୟପଦକ ହାସଲ କରିଛନ୍ତି। ପୁରୁଷ ସଟ୍ପୁଟ୍ରେ ଭାରତର (ଏଫ୍୪୬) ମହମ୍ମଦ ୟାସିରଙ୍କୁ ବ୍ରୋଞ୍ଜପଦକ ମିଳିଛି। ୟାସିର ୧୪.୨୨ ମିଟର ଦୂରକୁ ଡିସ୍କସ୍ ଫୋପାଡିଥିଲେ। ଏହି ଇଭେଣ୍ଟରେ ଚୀନର ୱି ଏନଲଙ୍ଗ୍ଙ୍କୁ ସ୍ୱର୍ଣ୍ଣ ଓ କାଜାଖ୍ସ୍ତାନର ମନସୁରବାୟେଭ୍ ରାଭିଲଙ୍କୁ ରୌପ୍ୟପଦକ ମିଳିଛି।
