ଖଣ୍ଡଗିରି (ନି:ପ୍ର)- ଆଜି ମୁଣ୍ଡମୁହାଣ ପଞ୍ଚୁଦୋଳ ମେଳଣ ସମାହିତ ହୋଇଯାଇଛି। ତୃତୀୟା ତିଥିରୁ ଆରମ୍ଭ ହୋଇଥିବା ଏହି ଦୁଇ ଦିନିଆ ମେଳଣ ଗୁରୁବାର ଷଷ୍ଠୀ ତିଥିରେ ହରିହର ଭେଟ ସହ ସଂପର୍ଣ୍ଣ ହୋଇଛି।ଗତ ସୋମବାର ରାତିରେ ଜମାଣ ପର୍ବ ଆଡମ୍ବର ସହକାରେ ଅନୁଷ୍ଠିତ ହୋଇଥିଲା।ବାଜା,ବାଣ, ରୋଷଣୀ ସହ ଘୋଡ଼ା ନାଚ, ଷଣ୍ଢ ନାଚ,ନାଗା ନାଚ ଆଦି ପାରମ୍ପାରିକ ଲୋକକଳାରେ ସଜ୍ଜିତ ଶୋଭାଯାତ୍ରାରେ ଗ୍ରାମର ଆରାଧ୍ୟ ଦେବତା ଥାନପତି ଗ୍ରାମେଶ୍ବର ମହାଦେବ ଓ ଚନ୍ଦ୍ରଶେଖରଙ୍କ ଚଳନ୍ତି ପ୍ରତିମାକୁ ଦୋଳ ବିମାନରେ ଗ୍ରାମ ପରିକ୍ରମା କରାଯାଇ ମେଳଣ ପଡ଼ିଆକୁ ନିଆଯାଇଥିଲା।
ସେଠାରେ ଥାନପତି ଆଖପାଖ ୧୫ଖଣ୍ଡ ଗ୍ରାମରୁ ନିମନ୍ତ୍ରିତ ହୋଇଥିବା ଅତିଥି ଚଳନ୍ତି ପ୍ରତିମାଙ୍କୁ ସ୍ବାଗତ କରିଥିଲେ। ଦୁଇ ଦିନ ଧରି ମେଳଣ ପଡ଼ିଆରେ ନାମ ସଂକୀର୍ତ୍ତନ, ମେଲୋଡି,ଡ୍ୟାନସ ଡ୍ୟାନସ ଭଳି ସଂସ୍କୃତିକ କାର୍ଯ୍ୟକ୍ରମ ସହ ଅପେରା ପରିବେଷଣ କରାଯାଇଥିଲା। ହରିହର ଭେଟ ବେଳେ ମେଳଣ ପଡ଼ିଆରେ ଆତସବାଜି କାର୍ଯ୍ୟକ୍ରମ ବେଶ୍ ଆକର୍ଷଣୀୟ ହୋଇଥିଲା।ଫଗୁ ଖେଳରେ ଭକ୍ତ ଓ ଭଗବାନ ଏକାକାର ହୋଇଯାଇଥିଲେ।ପରେ ଅତିଥି ଠାକୁରମାନେ ଥାନପତିଙ୍କ ଠାରୁ ମେଲାଣି ନେଇଥିଲେ। ଉଲ୍ଲେଖଯୋଗ୍ୟ ଯେ ସ୍ଥାନୀୟ ଅଞ୍ଚଳରେ ନଁପୁଟ, ମଦନପୁର , ଛତାବର,ଜାଗସରାରେ ମଧ୍ୟ ଅନୁରୂପ ଭାବେ ଫଗୁ ଦୋଳ ମେଲଣ ସଂପର୍ଣ୍ଣ ହୋଇଯାଇଛି ।
ଛି।
Comments are closed.