ସମାଜଲାଇଭ ଡେସ୍କ: ଜଗତସିଂହପୁର ଜିଲା ସିମଳଦା ଗାଁ ନିକଟ ଦେବୀ ନଦୀରେ ନିଖୋଜ ହୋଇଯାଇଥିବା ୩ ଜଣଙ୍କ ମଧ୍ୟରୁ ଜଣଙ୍କ ମୃତଦେହ ଉଦ୍ଧାର ହୋଇଛି। ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଚାଲିଥିବାବେଳେ ଜାଲରେ ଜଣେ ଯୁବକଙ୍କ ମୃତଦେହ ଲାଗିଛି। ତାଙ୍କ ପରିଚୟ ମିଳିପାରି ନାହିଁ।
ସୂଚନା ଅନୁସାରେ, ଗୁରୁବାର ଦେବୀ ନଦୀ ଭିତରେ ଏକ ଷଣ୍ଢ ପଶିଯାଇଥିଲା। ଷଣ୍ଢକୁ ଘଉଡ଼ାଇବା ଲାଗି ୩ ଯୁବକ ନଦୀରେ ପଶିଥିଲେ। କୂଳରେ ପ୍ୟାଣ୍ଟ, ଶାର୍ଟ ରଖି ନଦୀରେ ପ୍ରବେଶ କରିଥିଲେ। କିନ୍ତୁ ପରେ ସେମାନଙ୍କ ଖୋଜଖୋବର ମିଳି ନ ଥିଲା। କିଛି ଲୋକ କୂଳରେ ପ୍ୟାଣ୍ଟଶାର୍ଟ ରଖାଯାଇଥିବା ଏବଂ ନଦୀରେ ଷଣ୍ଢକୁ ଦେଖି ସନ୍ଦେହ କରି ପୁଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ। ପରେ ଅଗ୍ନିଶମ ବାହିନୀ ପହଞ୍ଚି ନିଖୋଜ ଯୁବକଙ୍କୁ ଖୋଜାଖୋଜି କରିଥିଲେ ହେଁ ପାଇ ନ ଥିଲା। ପରେ ଜଣେ ଯୁବକଙ୍କ ମୃତଦେହ ମିଳିଥିଲା। ଅନ୍ୟ ୨ ଯୁବକଙ୍କ ପତ୍ତା ମିଳିପାରି ନାହିଁ।
