ଚୌଦ୍ୱାର : ଔଷଧ ଦୋକାନକୁ ଔଷଧ କିଣିବାକୁ ଯାଇଥିବା ଜଣେ ନାବାଳିକାକୁ ଦୋକାନୀ ଅସଦାଚରଣ କରିଥିବା ଅଭିଯୋଗରେ ଚୌଦ୍ୱାର ପୁଲିସ ଶଙ୍କରପୁର ଗ୍ରାମର ପ୍ରଶାନ୍ତ ନାୟକ (୪୨)କୁ ଗିରଫ କରି କୋର୍ଟ ଚାଲାଣ କରିଛି। ନାବାଳିକା ଓ ତା ପରିବାର ଲୋକେ ମଙ୍ଗଳବାର ଦିନ ଥାନାରେ କରିଥିବା ଅଭିଯୋଗ ସୁତ୍ରରୁ ପ୍ରକାଶ ଯେ ଉକ୍ତ ନାବାଳିକାକୁ ଜ୍ୱର ହୋଇଥିବାରୁ ସୋମବାର ସଂଧ୍ୟାରେ ସେ ଉକ୍ତ ଔଷଧ ଦୋକାନକୁ ଔଷଧ କିଣିବାକୁ ଯାଇଥିଲା। ସେଠାରେ ତାକୁ ଇଞ୍ଜେକ୍ସନ୍ ଦେବାକୁ କହି ପ୍ରଶାନ୍ତ ତାକୁ ଦୋକାନ ଭିତରକୁ ଡାକିନେଇ ତା ସହିତ ଅସଦାଚରଣ କରିଥିବା ଅଭିଯୋଗ ହୋଇଛି। ଏସମ୍ପର୍କରେ କାହାରିକୁ ନ କହିବାକୁ ସେ ନାବାଳିକା ଜଣକୁ ଧମକ୍ ଦେଇଥିଲା। ନାବାଳିକା ଜଣକ ଘରକୁ ଫେରି କାନ୍ଦୁଥିବାବେଳେ ଏସମ୍ପର୍କରେ ପରିବାର ଲୋକେ ପଚାରିବାରେ ସେ ଘଟଣା ସମ୍ପର୍କରେ କହିଥିଲା । ଅଭିଯୋଗପାଇ ପୁଲିସ୍ ଘଟଣାର ତଦନ୍ତ କରି ଅଭିଯୁକ୍ତ ପ୍ରଶାନ୍ତକୁ ଗିରଫ କରି ବୁଧବାର ଅଦାଲତ ଚାଲାଣ କରିଛନ୍ତି ।
Comments are closed.