ଯାଜପୁର : ଯାଜପୁର ଜିଲ୍ଲା ଧର୍ମଶାଳା ବ୍ଳକ ଦେଓଦାଗାଁରେ ଅଭାବନୀୟ ଘଟଣା ଘଟିଛି। ଦିନକୁ ଦିନ ସମଗ୍ର ଅଞ୍ଚଳରେ ଷଣ୍ଢ ମାନଙ୍କର ଦୌରାତ୍ମ୍ୟ ବୃଦ୍ଧି ପାଇବାରେ ଲାଗିଛି । ମଙ୍ଗଳବାର ସକାଳେ ଏକ ଷଣ୍ଢ ବିଲରେ ପଶି ଧାନ ଫସଲ ନଷ୍ଟ କରୁଥିଲା। ଏହା ଦେଖି ଗାଁର ଜଣେ ବୃଦ୍ଧ ତାକୁ ବାଡେଇବାକୁ ଚେଷ୍ଟା କରିଥିଲେ । ଫଳରେ ଷଣ୍ଢଟି ବୃଦ୍ଧଙ୍କୁ କଚାଡି ଦେଇଥିଲା। ପରେ ପରିବାର ଲୋକ ଗୁରୁତର ଅବସ୍ଥାରେ ବୃଦ୍ଧଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ମୃତକ ଦେଓଦା ଗାଁର ଅଲେଖ ମଲିକ ବୋଲି ଜଣାପଡିଛି। ଘଟଣାକୁ ନେଇ ଗାଁରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି।
Comments are closed.