ଭୁବନେଶ୍ୱର: ଭିଜିଲାନ୍ସ ଜାଲରେ ବାଂଶପାଳ ବିଇଓ କାର୍ଯ୍ୟାଳୟର କନିଷ୍ଠ କିରାଣି ଗଙ୍ଗାଧର ସାହୁ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଗଙ୍ଗାଧର ସାହୁଙ୍କ ଘରେ ଭିଜିଲାନ୍ସ ଟିମ୍ ଚଢ଼ାଉ କରୁଛି । ଗଙ୍ଗାଧରଙ୍କ ପୈତୃକ ଘର ଓ କାର୍ଯ୍ୟାଳୟ ସମତେ ୫ଟି ସ୍ଥାନରେ ଭିଜିଲାନ୍ସ ପକ୍ଷରୁ ଏକକାଳୀନ ରେଡ୍ କରାଯାଉଛି । ସୂଚନା ଅନୁଯାୟୀ, ଗଙ୍ଗାଧରଙ୍କ ସରକାରୀ କ୍ବାଟର ସମେତ ଭାଲୁକିପାଟଣାରେ ଥିବା ୩ ମହଲା କୋଠା ଘର, କାର୍ଯ୍ୟାଳୟ ଓ ସରସପୋଷିରେ ଥିବା ଶ୍ୱଶୁର ଘରେ ଭିଜିଲାନ୍ସ ପକ୍ଷରୁ ଯାଞ୍ଚ କରାଯାଉଛି । ଏହି ଚଢ଼ାଉରେ ଭିଜିଲାନ୍ସର ୩ଜଣ ଡିଏସପି, ୭ଜଣ ଇନିସପେକ୍ଟର, ୨ଜଣ ଏଏସଆଇ, ୯ଜଣ କନଷ୍ଟେବଳ ଓ ଅନ୍ୟ କର୍ମଚାରୀ ନିୟୋଜିତ ଅଛନ୍ତି । ଆଜି ସକାଳ ସକାଳୁ ଏହି ଚଢ଼ାଉ କରାଯାଉଥିବା ଜଣାପଡ଼ିଛି ।
Comments are closed.