୪୩ତମ ଭାରତ ଅନ୍ତର୍ଜାତୀୟ ବାଣିଜ୍ୟ ମେଳା ଆରମ୍ଭ, ଓଡ଼ିଶା ପାଭିଲିୟନ ଉଦଘାଟନ କରିବେ ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା

ଡେସ୍କ: ନୂଆଦିଲ୍ଲୀର ଭାରତ ମଣ୍ଡପମ ଠାରେ ଆରମ୍ଭ ହୋଇଛି ୪୩ତମ ଭାରତ ଅନ୍ତର୍ଜାତୀୟ ବାଣିଜ୍ୟ ମେଳା। କେନ୍ଦ୍ର ବାଣିଜ୍ୟ ମନ୍ତ୍ରୀ ପିୟୁଷ ଗୋୟଲ ଏହି ମେଳାକୁ ଉଦଘାଟନ କରିଛନ୍ତି। ଏହି ଆନ୍ତଜାତୀୟ ବାଣିଜ୍ୟ ମେଳାରେ ବିଭିନ୍ନ ଦେଶ ଓ ରାଜ୍ୟଗୁଡ଼ିକ ଭାଗ ନେଉଛନ୍ତି।

ସୂଚନା ଅନୁଯାୟୀ ରହି ମେଳାରେ ଆଜି ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଓଡ଼ିଶା ପାଭିଲିୟନର ଉଦଘାଟନ କରିବେ। ଆଜିଠାରୁ ୨୭ ତାରିଖ ପର୍ଯ୍ୟନ୍ତ ଆୟୋଜିତ ହେବାକୁ ଥିବା ଏହି ମେଳାରେ ପ୍ରଗତି ମଇଦାନର ହଲ୍-୨ରେ ଓଡ଼ିଶା ମଣ୍ଡପ ଉଦଘାଟିତ ହେବ। ଏହି ପ୍ୟାଭିଲିୟନରେ ଓଡ଼ିଶାର ବିଭିନ୍ନ କ୍ଷେତ୍ରର ବିଭିନ୍ନ ଉତ୍ପାଦ ଓ ସେବା ପ୍ରଦର୍ଶିତ ହେବା ସହ ପର୍ଯ୍ୟଟକମାନେ ରାଜ୍ୟର ଅନନ୍ୟ ସମ୍ଭାବନା ଏବଂ ସୁଯୋଗ ବିଷୟରେ ବୁଝିପାରିବେ।