କଲମପୁର : କଲମପୁର ମୁଖିଗୁଡା ମୁଖ୍ୟ ରାସ୍ତାର ତେନ୍ତୁଳିଖୁଣ୍ଟି ନିକଟରେ ଘଟିଛି ଏକ ଦୁର୍ଘଟଣା। ଏକ ଧାନ ବୋଝେଇ ଟ୍ରକ୍ ରାସ୍ତା କଡ଼ରେ ଥିବା ଏକ ଜମିରେ ଓଲଟି ପଡ଼ିଛି। କିନ୍ତୁ ସୌଭାଗ୍ୟ ବସତଃ ଟ୍ରକ୍ ଚାଳକ ଅଳ୍ପକେ ଏକ ବଡ଼ ଦୁର୍ଘଟଣାରୁ ବର୍ତ୍ତି ଯାଇଛନ୍ତି। ସୂଚନା ଅନୁସାରେ କଲମପୁର ବ୍ଲକ୍ ତେନ୍ତୁଳିଖୁଣ୍ଟି ଧାନ ମଣ୍ଡି ମାଧ୍ୟମରେ ଜନୈକ ଚାଷୀଙ୍କ ୬ଶହ ପ୍ୟାକେଟ (୨୪ଟନ୍) ଧାନ ଉଠାଣ କରି କେସିଙ୍ଗାର ଏକ ଧାନ ମିଲ୍ କୁ OR 19F 7722 ନମ୍ବର ବିଶିଷ୍ଟ ଟ୍ରକ୍ ଯୋଗେ ନିଆ ଯାଉଥିଲା। କିନ୍ତୁ ତେନ୍ତୁଳିଖୁଣ୍ଟି ମଣ୍ଡିର ଭିତ୍ତିଭୂମି ନିର୍ମାଣ ହେଇଥିବା ଯୋଗୁଁ ଚାଷୀମାନେ ନିଜ ନିଜ ଧାନକୁ ରାସ୍ତା କଡ଼ରେ ରଖିଛନ୍ତି। ଏହାସହ ପାଲ ଘୋଡ଼ାଇ ପଥର ଦେଇଥିବା ଯୋଗୁଁ ଟ୍ରକ୍ ଚାଳକ ପଥରକୁ ଫିଟାଇବାକୁ ପ୍ରୟାସ କରୁଥିଲେ। ଏହି ସମୟରେ ଟ୍ରକର କ୍ଷମତାଠାରୁ ଅଧିକ ଓଜନ ଥିବାରୁ ଟ୍ରକ୍ ରାସ୍ତା କଡ଼କୁ ଟାଣି ନେଲା। ଫଳରେ ଜମି ଭିତରେ ଟ୍ରକ ଓଲଟି ପଡ଼ିଥିଲା। ଚାଳକ ଜଣକ ସୁରକ୍ଷିତ ଅଛନ୍ତି।
Popular Categories
Previous article
Next article