ରାଇକିଆ : ରାଇକିଆ ବନାଞ୍ଚଳ ପକ୍ଷରୁ ଶୁକ୍ରବାର ୭୬ତମ ବନ ମହୋତ୍ସବ ସପ୍ତାହ ପାଳନ ହୋଇଛି। ଏହି ଅବସରରେ କିଲୁଣ୍ଡି ଲଣ୍ଡା ପାହାଡ଼ରେ ସମୂହ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ପାହାଡ଼ରେ ୧୦ ହଜାର ହେକ୍ଟର ଜମିରେ ୧୬ ହଜାର ବିଭିନ୍ନ ଉପକାରୀ ଚାରା ରୋପଣ କାର୍ଯ୍ୟ ଆଜି ଠାରୁ ଆରମ୍ଭ କରାଇଛି। ଏହି ପାହାଡ଼କୁ ସମ୍ପୁର୍ଣ୍ଣ ଭାବେ ସବୁଜମୟ କରିବା ଲକ୍ଷ୍ୟ ରଖି ପ୍ରୟାସ ଆରମ୍ଭ ହୋଇଛି। ବନାଞ୍ଚଳ ଅଧିକାରୀ ଯୁଧିଷ୍ଠିର ବେହେରାଙ୍କ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ଫୁଲବାଣୀ ଡିଏଫ୍ଓ ପ୍ରତାପ କାଟାପଲି, ରାଇକିଆ ସମିତି ଅଧ୍ୟକ୍ଷ ପ୍ରୀତମ ଚନ୍ଦ୍ର ପ୍ରଧାନ, ଜିଲ୍ଲା ପରିଷଦ ସଭ୍ୟ ସତ୍ୟବାନ ପାତ୍ର, ବିଧାୟକ ପ୍ରତିନିଧି ତାରିଣୀ ପରିଚ୍ଛା ଅତିଥି ଭାବେ ଯୋଗ ଦେଇ ବୃକ୍ଷରୋପଣ କରିଥିଲେ । ପରିବେଶ ସୁରକ୍ଷା, ସଚେତନତା ଦିଗରେ କାର୍ଯ୍ୟ କରିବା ପାଇଁ ଉପସ୍ଥିତ କଲେଜ ଛାତ୍ରୀ ଛାତ୍ରଙ୍କୁ ଆହ୍ବାନ ଦେଇଥିଲେ। ଏହି ଅବସରରେ ଏକ ଟଙ୍କାରେ ଚାରା ବିତରଣ ପାଇଁ ବ୍ୟବହୃତ ଯାନର ଶୁଭାରମ୍ଭ କରଯାଇଥିଲା। ଏହି ଯାନ ପ୍ରତ୍ୟେକ ଅଞ୍ଚଳରେ ପହଞ୍ଚି ମାତ୍ର ଏକ ଟଙ୍କା ମୂଲ୍ୟରେ ଚାରା ବିକ୍ରୟ କରିବା ସହ ବୃକ୍ଷ ରୋପଣ ପାଇଁ ସଚେତନତା ସୃଷ୍ଟି କରିବ। କାର୍ଯ୍ୟକ୍ରମରେ ବନପାଳ ଉତ୍ସ କହଁର, ବନରକ୍ଷୀ ଅଙ୍ଗଦ ଦିଗାଲ, ଲିଲି ମଲ୍ଲିକ, ମୁକ୍ତାଞ୍ଜଳି ବେହେରା, ଉର୍ସିଲା ପ୍ରଧାନ, ଟିଏଲ ସଞ୍ଜୟ ମହାପାତ୍ର ପ୍ରମୁଖ ପରିଚାଳନା କରିଥିଲେ।
Popular Categories
Previous article
Next article