କଲ୍ୟାଣସିଂହପୁର : ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଳକ ସଦର ଥିବା ଐତିହାସିକ ପ୍ରସିଦ୍ଧ ଦେବଗିରି ପୀଠ ପାହାଡ ପଞ୍ଚମୁଖେଶ୍ୱରଙ୍କ ନିକଟରେ ବିଭିନ୍ନ ଜିଲ୍ଲାରୁ ଜଳାଭିଷେକ କରିବା ପାଇଁ ପବିତ୍ର ଶ୍ରାବଣମାସର ପ୍ରଥମ ସୋମବାରରେ ଭକ୍ତଙ୍କ ଭିଡ଼ ଲାଗି ରହିଥିବା ଦେଖିବାକୁ ମିଳିଛି । ଦୂର ଦୁରାନ୍ତରୁ ଭକ୍ତ ମାନେ ରବିବାର ଆସି କଲ୍ୟାଣସିଂହପୁର ଦେବଗିରି ଧାମ କ୍ରାନ୍ତିକାରୀ ଆଶ୍ରମରେ ବିଶ୍ରାମ କରି ଭୋରରୁ ଉଠି ନିକଟସ୍ଥ ନାଳ, ନାଗାବଳୀ ନଦୀ ଓ କଲ୍ୟାଣି ନଦୀର ସଂଗମ ସ୍ଥଳରେ ରୀତିନୀତି ଅନୁଯାୟୀ ପୂଜାର୍ଚ୍ଚନା କରି ପାଣି ଭାର ନେଇ ଶିବଙ୍କ ମସ୍ତକରେ ଜଳାଭିଷେକ କରିଛନ୍ତି । କାଉଡ଼ିଆ ନିଜ ନିଜ ଅଞ୍ଚଳରୁ ପାଣି ଭାର ନେଇ ତୁଣ୍ଡରେ ବୋଲବମ ଓ ଶିଵ ପଞ୍ଚାକ୍ଷର ମନ୍ତ୍ର ବୋଲି ଚାଲି ଚାଲି ଦେବଗିରି ଧାମ ପାହାଡ଼ ଗୁମ୍ଫାରେ ଥିବା ପଞ୍ଚ ମୁଖେଶ୍ୱର ସ୍ୱଟିକ ଲିଙ୍ଗରେ ଜଳଷେକ କରିବା ପାଇଁ ଯାଉଥିବା ଦେଖିବାକୁ ମିଳିଛି । ଛୋଟ ପିଲାମାନେ, ମହିଳା ଓ ପୁରୁଷ ମାନେ ପାଣି ଭାର ଧରି ଦେବଗିରି ପାହାଡ଼ ଚଡି ଜଳାଭିଷେକ କରିଛନ୍ତି। ଭକ୍ତ ମାନଙ୍କ ପାଇଁ ଦେବଗିରି ଆଶ୍ରମ ପକ୍ଷରୁ ପାନୀୟ ଜଳ ବ୍ୟବସ୍ଥା କରାଯାଇଥିଲା ।
Popular Categories
Previous article
Next article