ଡେସ୍କ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଟକ ସ୍ଥିତ ଶୈଳବାଳା ମହିଳା ସ୍ବୟଂଶାସିତ ମହାବିଦ୍ୟାଳୟର ୪୦୦ ଶଯ୍ୟା ବିଶିଷ୍ଟ ନୂତନ ଛାତ୍ରୀନିବାସର ଉଦଘାଟନ ସହ ନୂତନ ଶିକ୍ଷା ସୌଧର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଆଭାସୀ ଜରିଆରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉଚ୍ଚଶିକ୍ଷା ମନ୍ତ୍ରୀ ରୋହିତ ପୂଜାରୀ ଓ କଟକ ମେୟର ସୁବାଷ ସିଂ ଯୋଗ ଦେଇଥିଲେ।
ଏହି ଅବସରରେ ମହାବିଦ୍ୟାଳୟର ସ୍ନାତକୋତ୍ତର ସଂସ୍କୃତ ବିଭାଗର ଛାତ୍ରୀମାନେ ସଂସ୍କୃତ ନାଟକ ‘ସମ୍ଭବାମି ଯୁଗେ ଯୁଗେ’ ପରିବେଷଣ କରିଥିଲେ। ଅଧ୍ୟକ୍ଷା ପ୍ରଫେସର ଡଃ ଗାୟତ୍ରୀ ବିଶ୍ୱାଳଙ୍କ ଦିଗଦର୍ଶନରେ ପରିବେଷିତ ଏହି ନାଟକର ସଂଳାପ ରଚନା ସହ ସଂଗୀତ ଓ ନିର୍ଦ୍ଦେଶନା ଦେଇଥିଲେ ଅଧ୍ୟାପକ ଅରବିନ୍ଦ ନାୟକ। ନାଟକଟିକୁ ପ୍ରଯୋଜନା କରିଥିଲେ ବିଭାଗୀୟ ମୁଖ୍ୟ ଡଃ ମେନକା ରାଣୀ ସାହୁ। ନାଟକର ୨୪ଟି ଚରିତ୍ରରେ ୨୪ ଜଣ ଛାତ୍ରୀ ନିଖୁଣ ଭାବେ ଅଭିନୟ ପ୍ରଦର୍ଶନ କରିଥିଲେ।
