ରେଙ୍ଗାଲିକ୍ୟାମ୍ପ: ପ୍ରତିକୁଳ ପାଗ ସତ୍ତ୍ବେ ଆନନ୍ଦ ଉଲ୍ଲାସ ଓ ଶାନ୍ତି ଶୃଙ୍ଖଳାର ସହ ଅତାବିରାରେ ଠାକୁରଙ୍କ ବାହୁଡା ଯାତ୍ରା ଅନୁଷ୍ଠିତ ହୋଇଯାଇଛି। ସକାଳ ୬ ଘଣ୍ଟା ସମୟରେ ମଙ୍ଗଳ ଆଳତୀ ସାଙ୍ଗକୁ ଶ୍ରୀ ଜୀଉ ମାନଙ୍କ ସମସ୍ତ ରୀତିନୀତି ଆରମ୍ଭ ହୋଇଯାଇଥିଲା। ସମୟାନୁଯାୟୀ ସମସ୍ତ ଭୋଗ ଲାଗି ହୋଇଥିଲା।.ଅପରାହ୍ନ ୪ଟା ବେଳେ ତିନି ବିଗ୍ରହ ପହଣ୍ଡି ବିଜେ କରିଥିଲେ।
ପରେ ଠାକୁର ତାଙ୍କ ଜନ୍ମ ବେଦୀରୁ ବିଦାୟ ନେଇ ପୁଣି ନିଜର କର୍ମ ଭୂମି ଅଭିମୁଖେ ଯାତ୍ରା କରିଥିଲେ। ଛେରା ପହରା ସରିବା ପରେ ବଡ଼ଦାଣ୍ଡ (ଅତାବିରା ଜାତୀୟ ରାଜପଥ)ରେ ରଥଭକ୍ତଙ୍କ ଜୟଘୋଷ ତଥା ଘଣ୍ଟଘଣ୍ଟା, ମୃଦଙ୍ଗର ତାଳେ ତାଳେ ଚାଲିଥିଲା।
