ଫୁଲବାଣୀ: ଗୋଛାପଡା ସ୍ଥିତ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଦୁର୍ଗମ ଓ ଅପହଞ୍ଚ ଦୂରରେ ଥିବା ଗର୍ଭବତୀ ମା ମାନଙ୍କ ସ୍ୱାସ୍ଥ୍ୟ ପରୀକ୍ଷା ଓ ଚିକିତ୍ସା ନିମନ୍ତେ ଜାତୀୟ ସ୍ୱାସ୍ଥ୍ୟ ମିଶନ ଓ ଫିରିଙ୍ଗିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ସ୍ବେଛାସେବୀ ସଂଗଠନ ବାଲ ରକ୍ଷା ଭାରତ ଦ୍ୱାରା ଶିବିର ଅନୁଷ୍ଠିତ ହୋଇଯାଇଛି। ସ୍ୱାସ୍ଥ୍ୟ ଶିବିରରେ ୧୦୦ରୁ ଅଧିକ ବିପଦ ସଂକୁଳ ଓ ଅନ୍ୟାନ୍ୟ ଗର୍ଭବତୀ ମହିଳାଙ୍କ ସ୍ୱାସ୍ଥ୍ୟ ଚିକିତ୍ସା କରାଯିବା ସହ ଔଷଧ ଦିଆଯାଇଥିଲା। ଫିରିଙ୍ଗିଆ ଗୋଷ୍ଠୀ ଜନ ସ୍ୱାସ୍ଥ୍ୟ ଅଧିକାରୀ ଡ଼ଃ ପ୍ରବୋଧ କୁମାର ପ୍ରଧାନ, ଗୋଛାପଡା ସ୍ୱାସ୍ଥ୍ୟ ଅଧିକାରୀ ଡ଼ଃ ସାହିସ୍ତା ପରବିନ ସମସ୍ତଙ୍କ ଚିକତ୍ସା କରିଥିବା ବେଳେ ଉପସ୍ଥିତ ଅନ୍ୟ ସ୍ୱାସ୍ଥ୍ୟକର୍ମୀ ସହଯୋଗ କରିଥିଲେ। ଏହି କାର୍ଯ୍ୟକ୍ରମରେ ବାଲ ରକ୍ଷା ଭାରତର ରାଜ୍ୟ ମୁଖ୍ୟ ଡ଼ଃ ଅଭିଜିତ ଭଦ୍ର ଓ ଜାତୀୟ ସ୍ତରର ମ୍ୟାନେଜର ଡ଼ଃ ତନଭି ଚୌହାନ, ବ୍ଲକ ମ୍ୟାନେଜର ହର ଗୋବିନ୍ଦ ଜାନି, ଜିଲ୍ଲାର ଡେପୁଟି ମ୍ୟାନେଜର ଆଶିଷ ମହାନ୍ତି ଦୁର୍ଗମ ଓ ଅପହଞ୍ଚ ଅଞ୍ଚଳର ସ୍ୱାସ୍ଥ୍ୟ କ୍ଷେତ୍ରରେ ସ୍ୱାସ୍ଥ୍ୟ ପରୀକ୍ଷା ନିମନ୍ତେ ଡିଜିଟାଲ ଷ୍ଟେଥୋସକୋପ ଆଦିର ସହଯୋଗ ବିଷୟରେ ଅବଗତ କରାଇଥିଲେ।
Popular Categories
Previous article
Next article