କନିଷି କ୍ଲଷ୍ଟର ସ୍ତରୀୟ ନିପୁଣ ମେଳା ଆୟୋଜିତ

ଗୋପାଳପୁର: କନିଷି କ୍ଲଷ୍ଟର ସ୍ତରୀୟ ନିପୂଣ ମେଳା ୨୦୨୫ କନିଷି ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। କନିଷି କ୍ଲଷ୍ଟର ସିଆସିସି ବିରୁପାକ୍ଷ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ଭାବରେ ରଙ୍ଗେଇଲୁଣ୍ଡା ବ୍ଳକର ଏବିଇଓ ସୁକାନ୍ତ ଜେନା ଓ ଏବିଇଓ କୁସୁମ ପାଢ଼ୀ ଯୋଗଦେଇ ନିପୂଣ ମେଳା ସମ୍ପର୍କରେ ଆଲୋକପାତ କରିଥିଲେ। ସମ୍ମାନୀତ ଅତିଥି ଭାବେ ସି ଆର୍ ସି ସି ଗୋପାଳ ପଣ୍ଡା, ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସୁଚେତା ପାଢ଼ୀ, ପରିଚାଳନା କମିଟି ସଭାପତି ଜ୍ୟୋତିଞ୍ଜଳି ଦଳ ବେହେରା ଯୋଗ ଦେଇଥିଲେ। କନିଷି କ୍ଲଷ୍ଟରର ମୋଟ ୯ଟି ବିଦ୍ୟାଳୟରୁ ୯୦ ଜଣ ଏଫଏଲଏନ୍ ଛାତ୍ରଛାତ୍ରୀ ତାଙ୍କର ଏଫଏଲଏନ୍ ଶିକ୍ଷକ ଶିକ୍ଷୟତ୍ରୀ ଏବଂ ଅଭିଭାବକ ମାନଙ୍କୁ ନେଇ ଆୟୋଜିତ ମେଳାରେ ସାକ୍ଷରତା, ସଂଖ୍ୟାଜ୍ଞାନ, ସୃଜନଶୀଳତା, ମତାମତ ପ୍ରଦାନ ଏହି ଭଳି ଚାରୋଟି ଷ୍ଟଲର ବ୍ୟବସ୍ଥା ହୋଇଥିଲା।