ଫୁଲବାଣୀ: କନ୍ଧମାଳ ଜିଲା ଫୁଲବାଣୀ ବ୍ଲକ ଅନ୍ତର୍ଗତ ତୁଡ଼ିପାଜୁ ସ୍ଥିତ ପି.ଏମ୍.ଶ୍ରୀ ଜବାହର ନବୋଦୟ ବିଦ୍ୟାଳୟ ପରିସରରେ ଚକ୍ଷୁ ଚିକିତ୍ସା ଓ ଚଷମା ବ୍ୟବହାର ପରୀକ୍ଷା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷ ଯତୀନ୍ଦ୍ର ନାଥ ରଥଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଶିବିରରେ ଭୁବନେଶ୍ୱର ପଟିଆ ସ୍ଥିତ ଏସ୍.ଏସ୍.ଏଣ୍ଟର ପ୍ରାଇଭେଟ୍ ସଂସ୍ଥାର ସୁନିଲ୍ ମହାପାତ୍ର, ଲିଜା ପଟନାୟକ, ଅମରେନ୍ଦୁ ଶେଖର ପ୍ରଧାନ, ଚକ୍ଷୁ ଚିକିତ୍ସକ ବୀରେନ୍ଦ୍ର କୁମାର ଦାସ, ସରୀତା ସ୍ୱାଇଁ ପ୍ରମୁଖ ଯୋଗଦେଇ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟାପିକା ଏବଂ କାର୍ଯ୍ୟାଳୟର ଅନ୍ୟ ସମସ୍ତ କର୍ମଚାରୀ ମାନଙ୍କର ଚକ୍ଷୁ ପରୀକ୍ଷା ସହିତ ଚଷମା ବ୍ୟବହାରର ପରୀକ୍ଷା କରାଇ ବିଭିନ୍ନ ପରାମର୍ଶ ଦେଇଥିଲେ।
Comments are closed.