ସମ୍ବଲପୁର: ସମ୍ବଲପୁରରେ ଆୟୋଜିତ ହେବାକୁ ଥିବା ରୋଜଗାର ମେଳା ଓ ପରାମର୍ଶ ଶିବିର ପାଇଁ ଏକ ପ୍ରାକ ପ୍ରସ୍ତୁତି ବୈଠକ ସ୍ଥାନୀୟ ଜିଲାପାଳଙ୍କ କାର୍ଯ୍ୟାଳୟ ସ୍ଥିତ ଏସଏସଏ ସମ୍ମିଳନୀ କକ୍ଷରେ ଆୟୋଜିତ ହୋଇଯାଇଛି। ଶୁକ୍ରବାର ଜିଲାପାଳ ସିଦ୍ଧେଶ୍ବର ବଳିରାମ ବୋନ୍ଦରଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ଜିଲା ମୁଖ୍ୟ ଉନ୍ନୟନ ଅଧିକାରୀ ପ୍ରସନ୍ନ କୁମାର ପାତ୍ର, ଉପ ଜିଲାପାଳ ପୁଷ୍ପାଞ୍ଜଳି ପଣ୍ଡା, କୌଶଳ ଉନ୍ନୟନ ଓ ନିଯୁକ୍ତି ଅଧିକାରୀ ଶଙ୍କର ଚରଣ ମୁର୍ମୁ ଙ୍କ ସମେତ ବିଭିନ୍ନ ପ୍ରଶାସନିକ ଅଧିକାରୀ ମାନେ ଉପସ୍ଥିତ ରହିଥିଲେ। ବୈଠକରେ ଷ୍ଟଲର ବ୍ୟବସ୍ଥା, ସୁରକ୍ଷା, ଅଗ୍ନିଶମ, ଅନବରତ ବିଦ୍ୟୁତ ସେବା, ଆଶ୍ରୟସ୍ଥଳି ଆଦି ବିଭିନ୍ନ ବିଷୟରେ ଆଲୋଚନା କରାଯାଇଥିଲା। ଆସନ୍ତା ୨୫ ମାର୍ଚ୍ଚରେ ସମ୍ବଲପୁର ଠାରେ ଏକ ବଡ ରୋଜଗାର ମେଳା ଓ ପରାମର୍ଶ ଶିବିର ଆୟୋଜିତ ହେବ। ମେଳାର ସଫଳ ରୂପାୟନ ନିମନ୍ତେ ସ୍ଥାନୀୟ ଉଦ୍ୟୋଗ ଓ ଫ୍ୟାକ୍ଟ୍ରି ଗୁଡିକୁ ଅଂଶଗ୍ରହଣ କରିବାକୁ ଅନୁରୋଧ କରାଯାଇଛି। ଏହା ଦ୍ୱାରା ଯୁବକ ଯୁବତୀ ମାନଙ୍କ ପାଇଁ ଅନେକ ନୂତନ ନିଯୁକ୍ତି ପ୍ରଦାନର ସୁଯୋଗ ସହିତ ମେଳାର ସଠିକ ପରିଚାଳନା ଓ ପ୍ରତ୍ୟେକ କାର୍ଯ୍ୟକୁ ଶୃଙ୍ଖଳାବଦ୍ଧ ଭାବରେ ନିୟନ୍ତ୍ରିତ କରିବା ପାଇଁ ଜିଲାପାଳ ସମସ୍ତଙ୍କୁ ପରାମର୍ଶ ଦେଇଥିଲେ।
Comments are closed.