ଆଠଗଡ: କଟକ ଜିଲ୍ଲା ଅବକାରୀ ଅଧୀକ୍ଷକ କରୁଣା ଶଙ୍କର ତିୱାରୀଙ୍କ ନିର୍ଦ୍ଦେଶକ୍ରମେ ଆଠଗଡ ଅବକାରୀ ଉପଅଧିକ୍ଷକ ନିମାଇଁ ଚରଣ ସିଂହଙ୍କ ନେତୃତ୍ୱରେ ଭିରୁଡା ଅଞ୍ଚଳରେ ମଙ୍ଗଳବାର ବଡ ଧରଣର ଅବକାରୀ ଚଢାଉ କରାଯାଇଛି। ତିଗିରିଆ ଥାନା ଅନ୍ତର୍ଗତ ପଣସପାଟଣା ଓ ଭିରୁଡ଼ା ଗ୍ରାମରେ ଆଠଗଡ ଅବକାରୀ, କଟକ ଜ଼ିଲ୍ଲା ଭ୍ରାମ୍ୟମାଣ ଅବକାରୀ ସ୍କ୍ୱାର୍ଡ, ବାଙ୍କୀ ଅବକାରୀ ଥାନା ଓ ନରସିଂହପୁର ଅବକାରୀ ଥାନା ପକ୍ଷରୁ ଏହି ମିଳିତ ଚଡାଉ କରାଯାଇଥିଲା। ଉକ୍ତ ଚଡାଉରେ ମୋଟ ୧୭୫୦ ଲିଟର ସଦ୍ୟ ପ୍ରସ୍ତୁତ ଦେଶୀ ମଦ ସହିତ ୧୬ ହଜାର ୯୦୫ ଲିଟର ମଦ ପ୍ରସ୍ତୁତ ନିମନ୍ତେ ବ୍ୟବହୃତ ହେଉଥିବା ଗୁଡ ପୋଚ ଜବତ କରାଯାଇ ଘଟଣାସ୍ଥଳରେ ନଷ୍ଟ କରାଯାଇଥିଲା। ଏ ବାବଦରେ ୫ଟି ମାମଲା ରୁଜୁ କରାଯାଇଛି। ଏଥିସହିତ ପଣସପାଟଣା ଗ୍ରାମର ପଞ୍ଚାନନ ସାହୁଙ୍କ ପୁଅ ସଞ୍ଜୟ କୁମାର ସାହୂ (୨୯)ଙ୍କ ଠାରୁ ୫୬୦ ଲିଟର ଦେଶୀମଦ, ୩୪୩୦ ଲିଟର ଗୁଡ ପୋଚ, ଗୋଟିଏ ସ୍କୁଟି ଜବତ ସହିତ ଗିରଫ କରାଯାଇ କୋର୍ଟ ଚାଲାଣ କରାଯାଇଛି।
Comments are closed.