ଆଠଗଡ: ପବିତ୍ର ଜନ୍ମାଷ୍ଟମୀ ଅବସରରେ ଆଠଗଡ ସହରର ବିଭିନ୍ନ ପୂଜା କମିଟି ପକ୍ଷରୁ ମା ଦୁର୍ଗାଙ୍କ ପ୍ରତିମା ଲାଗି ମାଟି ଅନୁକୁଳ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ରାସରସିକପୁର ଦୁର୍ଗାପୂଜା କମିଟି ପକ୍ଷରୁ ରାଧାରସିକଦେବଙ୍କ ମନ୍ଦିରରୁ ଏକ ଭବ୍ୟ ଶୋଭାଯାତ୍ରାରେ ଶ୍ରଦ୍ଧାଳୁମାନେ ସାହିର ଆରାଧ୍ୟା ମା ଭୂଆଶୁଣି ମନ୍ଦିରକୁ ଯାଇ ସେଠାରେ ପୂଜାର୍ଚ୍ଚନା ପରେ ମା’ଙ୍କର ଆଜ୍ଞାମାଳ ସହିତ ଶାସନ ପୋଖରୀ ନିକଟକୁ ଆସିଥିଲେ। ଶାସନ ପୋଖରୀ କୂଳରେ ପୂଜା କମିଟି କର୍ମକର୍ତ୍ତା ଓ ବହୁ ଶ୍ରଦ୍ଧାଳୁଙ୍କ ଉପସ୍ଥିତିରେ ପାରମ୍ପରିକ ପୂଜାର୍ଚ୍ଚନା କରାଯାଇ ମାଟି ଅନୁକୁଳ କରାଯାଇଥିଲା। ପୂଜକ କାଳିପ୍ରସାଦ ମିଶ୍ର ଏବଂ ପୂଜାର କର୍ତ୍ତା ଭାବେ ଧର୍ମାନନ୍ଦ ସାହୁ ପୂଜାକର୍ମ ସମ୍ପାଦନ କରି ମାଟି ଅନୁକୁଳ କରିଥିଲେ। ପୂର୍ବ କର୍ତ୍ତା ଶିକ୍ଷାବିତ ନବକିଶୋର ରାଉତ, ରତ୍ନାକର ସାହୁ, ସାହି କମିଟି ସଭାପତି ମିହିର କୁମାର ତ୍ରିପାଠୀ, ସଂପାଦକ ଲକ୍ଷ୍ମୀଧର ସ୍ୱାଇଁ, ପୂଜା କମିଟି ସଂପାଦକ ଦିଲ୍ଲୀପ କୁମାର ବାରିକ, ପ୍ରଭାତ କୁମାର ମିଶ୍ର, ଦ୍ୱିତୀକୃଷ୍ଣ ପାଲ, ଅଜୟ କୁମାର ସାହୁ, ପ୍ରାଣବନ୍ଧୁ ବାରିକ, ରାକେଶ ସାହୁ, ଦୁର୍ଗା ଚରଣ ସାହୁ, ଗୋପାଳ ଜେନା ଓ ବିଷ୍ଣୁ ଜେନା ପ୍ରମୁଖ ସମସ୍ତ କାର୍ଯ୍ୟ ପରିଚାଳନା କରିଥିଲେ। ସେହିପରି ଆଠଗଡ ଦୁର୍ଗାବଜାର, କନ୍ତୋଲ ଦୁର୍ଗାବଜାର ଓ ହାଟ ବଜାର ଏବଂ ଚାନ୍ଦବାଲିଛକ ବଜାର ଦୁର୍ଗା ପୂଜା କମିଟି ପକ୍ଷରୁ ମଧ୍ୟ ଅନୁରୁପ ଭାବେ ପାରମ୍ପରିକ ପୂଜାର୍ଚ୍ଚନା ସହ ମାଟି ଅନୁକୁଳ କରାଯାଇଥିଲା।
Popular Categories
Previous article
Next article