ଧାମରା: ଧାମରା ଅଂଚଳରେ ଆଳୁ ପିଆଜ ଦର ମହଙ୍ଗା ହୋଇ ପଡ଼ିଥିବା ବେଳେ ଏହାକୁ ରୋକ ଦେବାକୁ ସର୍ବସାଧାରଣରେ ଦାବୀ ହୋଇଛି। ପ୍ରାପ୍ତ ଖବର ଅନୁଯାୟୀ ଧାମରା, ବାଂଶଡା, କଇଥଖୋଲା, କରଞମାଳ, କରଣପଲ୍ଲୀ ଅଂଚଳରେ ଦୋକାନୀଙ୍କ ପାଖରେ ପ୍ରଚୁର ପରିମାଣରେ ଆଳୁ ପିଆଜ ଷ୍ଟକ ନଥିବା ବେଳେ ସଂପୃକ୍ତ ଦୋକାନୀ ମାନେ ଗରାଖ ମାନଙ୍କୁ ନିଜ ଇଛା ଅନୁସାରେ ବିକ୍ରି କରୁଛନ୍ତି। ଏହି ସମସ୍ତ ବଜାରରେ ଆଜି ଆଳୁ କିଲୋ ପ୍ରତି ୪୦ରୁ ଆରମ୍ଭ କରି ୪୫ଟଙ୍କା ପ୍ରତି ବିକ୍ରି କରୁଥିବା ବେଳେ ପିଆଜ କିଲୋ ପ୍ରତି ୪୦ଟଙ୍କା ଦରରେ ବିକ୍ରି କରୁଛନ୍ତି। ଯୋଗାଣ ବିଭାଗ ଅଧିକାରୀ ଲିଙ୍ଗରାଜ ଦାସଙ୍କ ନେତୃତ୍ୱରେ ଏକ ସ୍କାର୍ଡ ରେ ସହକାରୀ ଯୋଗାଣ ଅଧିକାରୀ ଶରତ ଚନ୍ଦ୍ର ବେହେରା, ଚାନ୍ଦବାଲିରେ ଥିବା ସମସ୍ତ ହୋଲସେଲରଙ୍କ ଦୋକାନରେ ଚଢାଉ କରିଥିବା ବେଳେ ସଂପୃକ୍ତ ହୋଲସେଲର ମାନଙ୍କୁ ହୋଲସେଲର ଦର ଆଳି କିଲୋ ପିଛା ୨୮ଟଙ୍କା ଏବଂ ଏବଂ ଖୁଚୁରା ପାଇକାରୀ ଦର ୩୨ରୁ ୩୩ଟଙ୍କା ବିକ୍ରି କରିବାକୁ ନିର୍ଦେଶ ଦେଇଥିଲେ। ମାତ୍ର ଏଠାରେ ଉଲ୍ଲେଖଯୋଗ୍ୟ ସଂପୃକ୍ତ ହୋଲସେଲର ଚାନ୍ଦବାଲିରୁ ଆସି ଧାମରା ଅଂଚଳରେ ଆଳୁ ପିଆଜ ଯୋଗାଉ ଥିବା ବେଳେ କେଉଁ ପରିସ୍ଥିତିରେ ଏହି ସମସ୍ତ ଅଂଚଳରେ ନିଜ ମନଇଛାରେ ବିକ୍ରି କରୁଛନ୍ତି ତାହା ତଦନ୍ତ ସାପେକ୍ଷ ହୋଇ ପଡ଼ିଛି। ଯୋଗାଣ ବିଭାଗ କେବଳ ଚାନ୍ଦବାଲିରେ ସମସ୍ତ ହୋଲସେଲରଙ୍କ ଗୋଦାମରେ ଚଢାଉ କରୁଥିବା ବେଳେ ଧାମରା ଅଂଚଳ ପ୍ରତି କେବେ ଦୃଷ୍ଟି ଦେବେ ତାହା ଚର୍ଚାର କେନ୍ଦ୍ରବିନ୍ଦୁ ପାଲଟିଛି। ତୁରନ୍ତ ଏହି ସମସ୍ତ ଅଂଚଳକୁ ବ୍ୟାପକ ଆଳୁ ପିଆଜ ଯୋଗାଇ ଦେବା ସହ ସମସ୍ତ ରିଟେଲର ଏବଂ ହୋଲସେଲରେ ଦୋକାନ ମାନଙ୍କରେ ଚଢାଉ କରିବାକୁ ଅଂଚଳବାସୀ ଦାବୀ କରିଛନ୍ତି।
Popular Categories
Previous article
Next article