ଆଠଗଡ: ଆଠଗଡ ଓ ତିଗିରିଆ ବ୍ଲକସ୍ତରୀୟ କ୍ରୀଡାଙ୍ଗନ ପ୍ରଶିକ୍ଷଣ ଶିବିର ଜେନାପଦା ନୋଡାଲ ହାଇସ୍କୁଲ ପରିସରରେ ତିନିଦିନ ଧରି ଅନୁଷ୍ଠିତ ହୋଇଯାଇଛି। ଶିବିରରେ ଆଠଗଡ ଓ ତିଗିରିଆ ବ୍ଲକର ସମସ୍ତ ରୂପାନ୍ତରିତ ହାଇସ୍କୁଲର ସମସ୍ତ କ୍ରୀଡା ଶିକ୍ଷକ ଓ ଅନ୍ୟ ଶିକ୍ଷକ/ଶିକ୍ଷୟିତ୍ରୀ ଯୋଗ ଦେଇଥିଲେ । ଆଠଗଡ ବ୍ଲକର ୨୯ ଜଣ ଓ ତିଗିରିଆ ବ୍ଲକର ୧୪ ଜଣ ଶିକ୍ଷକ/ଶିକ୍ଷୟିତ୍ରୀଙ୍କୁ କ୍ରୀଡା ଓ ଜୀବନ କୌଶଳ ସମ୍ପର୍କିତ ପ୍ରଶିକ୍ଷଣ ଦିଆଯାଇଥିଲା। ଏହି ଶିବିରରେ ବ୍ଲକ ଶିକ୍ଷାଧିକାରୀ ବିଜୟଲକ୍ଷ୍ମୀ ସାମଲ ଓ ଜେନାପଦା ହାଇସ୍କୁଲର ପ୍ରଧାନ ଶିକ୍ଷୟିତ୍ରୀ ଚିନ୍ମୟୀ ନାୟକ ଅତିଥି ଭାବେ ଯୋଗଦେଇ ବିଦ୍ୟାଳୟରେ କ୍ରୀଡାଙ୍ଗନ କ୍ଲବର ଗୁରୁତ୍ବ, ଆବଶ୍ୟକତା, ଉପାଦେୟତା ଏବଂ ନବମ ଓ ଦଶମ ଶ୍ରେଣୀର ଛାତ୍ରଛାତ୍ରୀଙ୍କ ପାଇଁ ଏହାର ଉପଯୋଗିତା ସମ୍ପର୍କରେ ଆଲୋକପାତ କରିଥିଲେ। ଆଠଗଡ ବ୍ଲକର ପ୍ରଶିକ୍ଷକ ପ୍ରକାଶ ଚନ୍ଦ୍ର ତ୍ରିପାଠୀ ଓ ତିଗିରିଆ ବ୍ଲକର ପ୍ରଶିକ୍ଷକ ପ୍ରଣବ କୁମାର ସ୍ୱାଇଁ ତିନିଦିନ ଧରି ମୂଲ୍ୟବୋଧଭିତ୍ତିକ ଜୀବନ ଶୈଳୀ ଓ କ୍ରୀଡା କୌଶଳ ବିଷୟରେ ପ୍ରଶିକ୍ଷଣ ଦେଇଥିଲେ।
Comments are closed.