ଲଡ଼ୁଗାଁ: କଳାହାଣ୍ଡି ଜିଲ୍ଲା କୋକସରା ଅଞ୍ଚଳରେ ମଧ୍ୟାହ୍ନ ପରେ ପରେ ଆରମ୍ଭ ହୋଇଯାଉଛି ଝଡ଼ ତୋଫାନ। ଏହାର ପ୍ରଭାବରେ କୋଉଠି ଗଛର ଡ଼ାଳ ଘର ଉପରେ ପଡୁଛି ତ ଆଉ କେଉଁଠି ବିରାଟକାୟ ଗଛ ଗୁଡ଼ିକ ଚେରରୁ ଉପୁଡ଼ି ରାସ୍ତା ଅବରୋଧ ହେଉଛି। ବୁଧବାର ଝଡତୋଫାନ ଯୋଗୁଁ କୋକସରା ବ୍ଲକର ବିଭିନ୍ନ ସ୍ଥାନରେ ଗଛ ଭାଙ୍ଗି ନାନାଦି ସମସ୍ୟା ସୃଷ୍ଟି କରିଥିଲା। କାଳବୈଶାଖୀ ତାଣ୍ଡବରେ ମୋଟେର-ମୁଖିଗୁଡା ରାସ୍ତାର ଖଲିଆଭଟା କେନାଲ ଛକରେ ମଧ୍ୟ ଏକ ବିରାଟ ବରଗଛ ପଡି ରାସ୍ତା ଅବରୋଧ କରିଥିଲା। କିଛି ସମୟ ପାଇଁ ସେଠାରେ ଯାତାୟତ ବାଧାପ୍ରାପ୍ତ ହୋଇଥିଲା। ସେହିପରି ଆମପାଣି ଥାନାଧିକାରୀଙ୍କ କ୍ୱାଟର ଉପରେ ବିରାଟକାୟ ଗଛ ଚେରରୁ ଉପୁଡି ପଡ଼ିଥିଲା। ସୌଭାଗ୍ୟ ବଶତଃ ସମସ୍ତେ ବର୍ତ୍ତି ଯାଇଥିଲେ। ଖବର ପାଇ ଅଗ୍ନିଶମ ଓ ଜରୁରୀ ସେବା ବିଭାଗ କୋକସରାରୁ ଅଗ୍ନିଶମ ଅଧିକାରୀ ପ୍ରଶାନ୍ତ କୁମାର ବାଗଙ୍କ ନେତୃତ୍ବରେ କର୍ମଚାରୀ ଦିଗାମ୍ବର ଶବର, ମନୋଜ ବିଶ୍ବାଳ, ରାଧେଶ୍ୟାମ ପ୍ରଧାନୀ, ବାସୁଦେବ ଭୋଇ ପ୍ରମୁଖ ଉଭୟ ସ୍ଥାନରୁ ଗଛକୁ ହଟାଇବା ପରେ ସ୍ଥିତି ସ୍ବଭାବିକ ହୋଇଥିବା ଜଣାପଡିଛି।
Comments are closed.